ວິທະຍຸສາກົນແຫ່ງປະເທດຈີນ (CRI) ໄດ້ລາຍງານວ່າ: ລະຫວ່າງວັນ ທີ 23-24 ທັນວາຜ່ານມານີ້, ກອງປະຊຸມວຽກງານຊົນນະຊົດຂັ້ນສູນກາງຈີນ ໄດ້ຈັດຂຶ້ນຢູ່ນະຄອນຫລວງປັກກິ່ງ ເພື່ອວາງແຜນວຽກງານກ່ຽວກັບການ ສ້າງປະເທດເຂັ້ມແຂງດ້ານກະສິກຳ, ເລັ່ງລັດຊຸກຍູ້ການຫັນກະສິກຳ ແລະ ຊົນນະບົດເປັນທັນສະໄໝ, ຊຸກຍູ້ການພັດທະນາຊົນນະລົດໃຫ້ຈະເລີນ ຮຸ່ງເຮືອງຢ່າງຮອບດ້ານ, ແລະວຽກງານອື່ນໆ.
ໃນກອງປະຊຸມດັ່ງກ່າວ, ທ່ານ ສີຈິ້ນຜິງ ປະທານປະເທດຈີນ ໄດ້ກ່າວເນັ້ນ ວ່າ: ປະເທດເຂັ້ມແຂງດ້ານກະສິກຳແມ່ນພື້ນຖານຂອງປະເທດສັງຄົມນິຍົມ ທີ່ທັນສະໄໝ ແລະເຂັ້ມແຂງ, ການຕອບສະໜອງຕາມຄວາມຕ້ອງການ ຂອງປະຊາຊົນທີ່ມີຕໍ່ຊີວິດການເປັນຢູ່ອັນດີງາມ, ບັນລຸການພັດທະນາທີ່ມີ ຄຸນນະພາບສູງ, ຮັດແໜ້ນພື້ນຖານຂອງຄວາມໝັ້ນຄົງແຫ່ງຊາດ, ລ້ວນ ແຕ່ບໍ່ສາມາດປາສະຈາກການພັດທະນາກະສິກຳໄດ້. ການສ້າງປະເທດເຂັ້ມ ແຂງດ້ານກະສິກຳຕ້ອງຢູ່ບົນພື້ນຖານສະພາບຄວາມເປັນຈິງຂອງປະເທດ ຈີນ, ເອກະລັກຊັບພະຍາກອນທີ່ມີປະຊາກອນຫລາຍແຕ່ມີທີ່ດິນໜ້ອຍ, ພື້ນຖານປະຫວັດສາດແຫ່ງອະລິຍະທຳການປູກຝັງ, ຄວາມຕ້ອງການແຫ່ງ ຍຸກສະໄໝທີ່ມະນຸດກັບທຳມະຊາດຢູ່ຮ່ວມກັນຢ່າງກົມກຽວກັນ, ເດີນຕາມ ເສັ້ນທາງຂອງຕົນ, ບໍ່ລອກຮຽນແບບຮູບການສ້າງປະເທດເຂັ້ມແຂງດ້ານ ກະສິກຳທີ່ທັນສະໄໝຈາກຕ່າງປະເທດຢ່າງງ່າຍດາຍ. ຕ້ອງອາໄສກຳລັງ ແຮງຂອງຕົນເພື່ອກຳແໜ້ນຖ້ວຍເຂົ້າຂອງຕົນ, ພັດທະນາກະສິກຳແບບ ກາກບອນຕ່ຳ, ຊຸກຍູ້ຄວາມຮັ່ງມີຮ່ວມກັນຢ່າງໜັກແໜ້ນ.
ທ່ານ ສີຈິ້ນຜິງ ກ່າວເນັ້ນຕື່ມວ່າ: ການຮັບປະກັນການສະໜອງສະບຽງ ອາຫານ ແລະຜະລິດຕະພັນກະສິກຳປະເພດສຳຄັນຢ່າງໝັ້ນຄົງ ແລະປອດ ໄພແມ່ນວຽກສຳຄັນອັນດັບໜຶ່ງໃນການສ້າງປະເທດເຂັ້ມແຂງດ້ານກະສິກຳຢ່າງສະເໝີຕົ້ນສະເໝີປາຍ.
ທ່ານ ສີຈິ້ນຜິງ ຊີ້ອອກວ່າ: ການຊຸກຍູ້ການພັດທະນາຊົນນະບົດໃຫ້ ຈະເລີນຮຸ່ງເຮືອງຢ່າງຮອບດ້ານແມ່ນໜ້າທີ່ສຳຄັນໃນການສ້າງປະເທດເຂັ້ມແຂງດ້ານກະສິກຳໃນຍຸກໃໝ່, ການນຳໃຊ້ແຮງຄົນ, ຈັດສັນວັດຖຸ ແລະການ ຮັບປະກັນດ້ານການເງິນຕ້ອງຍ້າຍມາສູ່ການພັດທະນາຊົນນະບົດໃຫ້ຈະ ເລີນຮຸ່ງເຮືອງ. ການປັບປຸງ ແລະຂະຫຍາຍໝາກຜົນຂອງການລຶບລ້າງ ຄວາມທຸກຍາກແມ່ນໜ້າທີ່ຂັ້ນພື້ນຖານສຳລັບການພັດທະນາຊົນນະບົດ ໃຫ້ຈະເລີນຮຸ່ງເຮືອງຢ່າງຮອບດ້ານ, ຕ້ອງເຊື່ອມສານນະໂຍບາຍຊ່ວຍເຫລືອ ຜູ້ຫລຸດພົ້ນອອກຈາກຄວາມທຸກຍາກ ແລະເຂດຫລຸດພົ້ນອອກຈາກຄວາມ ທຸກຍາກໃຫ້ດີ, ຈັດຕັ້ງປະຕິບັດມາດຕະການທີ່ກ່ຽວຂ້ອງຢ່າງມີປະສິດທິຜົນ, ເດັດດ່ຽວປ້ອງກັນບໍ່ໃຫ້ເກີດມີປາກົດການທີ່ທົ່ວບ້ານ ຫລື ທົ່ວຕາແສງ ຕົກຢູ່ໃນຄວາມທຸກຍາກຄືນໃໝ່. ຕ້ອງຍຶດໝັ້ນຖືເອົາການໃຫ້ກະສິກອນ ມີລາຍຮັບເພີ່ມຂຶ້ນເປັນໜ້າທີ່ໃຈກາງໃນວຽກງານ “ກະສິກຳຊົນນະບົດ ແລະ ກະສິກອນ”,ຊອກທຸກວິທີທາງເພື່ອເປີດກວ້າງຊ່ອງທາງໃຫ້ ກະສິກອນມີລາຍຮັບເພີ່ມຂຶ້ນ.
ທ່ານ ສີຈິ້ນຜິງ ກ່າວເນັ້ນອີກວ່າ: ການສ້າງຊົນນະບົດທີ່ໜ້າຢູ່ ໜ້າທຳ ມາຫາກິນ ແລະບ້ານຊົນນະບົດທີ່ສວຍງາມ ແມ່ນສິ່ງທີ່ຄວນມີໃນການສ້າງ ປະເທດເຂັ້ມແຂງດ້ານກະສິກຳ. ຕ້ອງຊຸກຍູ້ການຫັນກະສິກຳ ແລະຊົນນະບົດ ເປັນທັນສະໄໝຢ່າງເປັນເອກະພາບກັນ, ຈັດຕັ້ງປະຕິບັດການເຄື່ອນໄຫວ ສ້າງສາຊົນນະບົດໃຫ້ດີ, ໂດຍສະເພາະ ຕ້ອງເລັ່ງລັດການສ້າງພື້ນຖານ ໂຄງລ່າງບໍລິການສາທາລະນະ ດ້ານການປ້ອງກັນພະຍາດ, ລ້ຽງດູຜູ້ເຖົ້າ, ການສຶກສາ, ການປິ່ນປົວ ແລະອື່ນໆ, ຍົກລະດັບພື້ນຖານໂຄງລ່າງໃນ ຊົນນະບົດໃຫ້ຄົບຖ້ວນກວ່າເກົ່າ, ການບໍລິການສາທາລະນະ ມີຄວາມສະ ດວກກວ່າເກົ່າ, ສະພາບແວດລ້ອມທີ່ຢູ່ອາໄສມີຄວາມສະດວກສະບາຍ ກວ່າເກົ່າ, ເຮັດໃຫ້ກະສິກອນສາມາດດຳລົງຊີວິດທີ່ມີຄວາມສິວິໄລ ແລະ ຄວາມທັນສະໄໝຢູ່ກັບທີ່.
