ສຳນັກຂ່າວ ຊິນຮວາ ຂອງ ສປ ຈີນ,ວັນທີ22 ກຸມພານີ້, ສະຖາບັນ ສຸຂະພາບ ແຫ່ງຊາດ ສະຫະລັດໄດ້ເປີດຕົວ ເຄືອຂ່າຍ ການຄົ້ນຄວ້າ ກວດພະຍາດ ມະເຮັງ ຫລື Cancer Screening (CSRN), ຊຶ່ງຈະປະເມີນ ຜົນເຕັກໂນໂລຊີໃໝ່ ສໍາລັບ ການກວດສອບ ພະຍາດ ມະເຮັງແລະ ກວດສອບ ວິທີການ ບົ່ງມະຕິ ພະຍາດ ມະເຮັງ ຢ່າງວອງໄວ ຂະນະທີ່ ການປິ່ນປົວ ໄດ້ງ່າຍ.ປະຈຸບັນ ມີການຈັດ ບ້ວງເງິນ ຈາກສະຖາບັນ ມະເຮັງ ແຫ່ງຊາດ ອາເມລິກາເພື່ອຈັດຕັ້ງ ປະຕິບັດ ຂໍ້ລິເລີ່ມ ໃຫ້ແກ່ ນັກຄົ້ນຄວ້າ 8 ກຸ່ມ. ທ່ານ ຄີມຣິນ ແຣເມລ(Kimrin Rathmell), ຜູ້ອໍານວຍການ ສະຖາບັນ ມະເຮັງ ແຫ່ງຊາດ ສະຫະລັດກ່າວວ່າ: ບັນດາ ເຕັກໂນໂລຊີໃໝ່ ເຊັ່ນ: ການທົດສອບ ເພື່ອກວດຫາ ມະເຮັງ ຫລາຍຊະນິດອາດຈະປະຕິວັດ ການກວດຫາ ມະເຮັງແລະ ຊ່ວຍຍືດອາຍຸ ການດຳລົງຊີວິດ ຂອງຄົນ ຈຳນວນຫລາຍຂຶ້ນ.ການກວດສອບພົບວ່າ ເຕັກໂນໂລຊີ ເຫລົ່ານີ້ ເຮັດວຽກໄດ້ຈິງ ແລະ ເຂົ້າໃຈ ວິທີການນໍາໃຊ້ ພວກມັນ ຊຶ່ງເປັນສິ່ງສຳຄັນ ເພື່ອປະໂຫຍດ ຂອງທຸກຄົນ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
