ວິທະຍຸສາກົນ ແຫ່ງ ສປ ຈີນ, ຫວ່າງມໍ່ໆ ມານີ້, ສປ ຈີນ ໄດ້ນຳເຂົ້າຊີມັງ 580,85 ໂຕນ ຈາກ ສປປລາວ ຜ່ານດ່ານບໍ່ຫານ. ນີ້ແມ່ນຊີມັງ ງວດທຳອິດທີ່ ສປ ຈີນ ນຳເຂົ້າ ຜ່ານດ່ານທາງບົກທີ່ຄຸ້ມຄອງຕາມຜົນການກວດກາ ຂອງລະບົບອັດສະລິຍະ. ຜູ້ຮັບຜິດຊອບ ຂອງດ່ານພາສີເມືອງຫລ້າ ແຈ້ງໃຫ້ຮູ້ວ່າ: ເວລາຜ່ານດ່ານ ຂອງການນຳເຂົ້າ ຊີມັງ ຈະຫລຸດລົງຈາກ 35 ວັນ ມາເປັນພາຍໃນ 24 ຊົ່ວໂມງ, ຕົ້ນທຶນການຜ່ານດ່ານຂອງວິສາຫະກິດຈະຫລຸດລົງຫລາຍກວ່າ 90% ເຊິ່ງໄດ້ບຸກເບີກຊ່ອງທາງໃໝ່ແຫ່ງການຮ່ວມມື ລະຫວ່າງ ສປ ຈີນ-ສປປ ລາວ ແລະ ສ້າງຈຸດເຕີບໂຕໃໝ່ໃຫ້ແກ່ເສດຖະກິດຂອງດ່ານເຂົ້າ-ອອກເມືອງ. ຜູ້ຮັບຜິດຊອບທີ່ກ່ຽວຂ້ອງຂອງເຂດການຮ່ວມືບໍ່ຫານ-ບໍ່ເຕ່ນ ແຈ້ງໃຫ້ຮູ້ວ່າ: ການຈັດຕັ້ງປະຕິບັດຈຸດທົດລອງນຳເຂົ້າສິນຄ້າຕາມຜົນການກວດກາ ຂອງລະບົບອັດສະລິຍະເປັນຈຸດເລີ່ມຕົ້ນໃໝ່ທີ່ດ່ານບໍ່ຫານໃຫ້ບໍລິການເພື່ອສ້າງຄູ່ຮ່ວມຊາຕາກຳຈີນ-ລາວ, ໃນອະນາຄົດຫວັງວ່າຈະມີວັດສະດຸກໍ່ສ້າງທີ່ມີຄຸນນະພາບດີຈາກ ສປປ ລາວ ເຂົ້າສູ່ ສປ ຈີນ ໂດຍຜ່ານຊ່ອງທາງນີ້ ຫລາຍກວ່າເກົ່າ ເພື່ອເພີ່ມຄວາມມີຊີວິດຊີວາຫລາຍຂຶ້ນກວ່າເກົ່າໃຫ້ແກ່ການຄ້າສອງຝ່າຍ ລະຫວ່າງ ສປ ຈີນ- ສປປ ລາວ.
ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
