ຫ້ອງການອຸດສາຫາກຳ ແລະ ການຄ້ານະຄອນຫຼວງພະບາງ, ແຂວງຫລວງພະບາງ ຈັດພິທີທຳລາຍສິນຄ້າໝົດອາຍຸຂື້ນ ໃນວັນທີ 27 ພະຈິກ 2024 ໂດຍເປັນປະທານຂອງທ່ານ ສຳນານ ສົນທະນີ ຮອງເລຂາພັກນະຄອນ ຮອງເຈົ້ານະຄອນຫຼວງພະບາງ.
ທ່ານ ສອນ ວົງພະຈິດ ຮອງຫົວໜ້າ ຫ້ອງການອຸດສາຫະກຳ ແລະ ການຄ້ານະຄອນຫຼວງພະບາງໄດ້ໃຫ້ຮູ້ວ່າ: ສິນຄ້າທີ່ນໍາມາທໍາລາຍໃນຄັ້ງນີ້, ຫ້ອງການ ອຸດສາຫະກຳ ແລະ ການຄ້ານະຄອນຫຼວງພະບາງ ໄດ້ຈາກການກວດກາບັນດາຫ້າງຮ້ານ ຫົວໜ້າທຸລະກິດກ່ຽວກັບການຄ້າ-ບໍລິການ ໃນະຫວ່າງເດືອນ 10 – ເດືອນ 11 ປີ 2024 ລວມທັງໝົດ 25 ຄັ້ງ ມີທັງໝົດ 170 ຫົວໜ່ວຍ ພົບສີນຄ້າ ເຊື່ອມຄຸນນະພາບ,ສີນຄ້າໝົດອາຍຸ 45 ລາຍການ ແຍກປະເພດ ອາຫານ-ເຄື່ອງດື່ມກວມ 70 ສ່ວນຮ້ອຍ ແລະ ເຄື່ອງອຸປະໂພກ 30 ສ່ວນຮ້ອຍ ລວມມູນຄ່າທັງໝົດ 43,559,000 ກີບ.
ສ່ວນໃຫຍ່ແມ່ນສີນຄ້າຈາກຕ່າງປະເທດ ກວມເຖິງ 80% ເປັນຕົ້ນ ສິນຄ້າຈາກໄທ, ສີນຄ້າຈີນ,ສີນຄ້າຫວຽດນາມ ແລະ ປະເທດອື່ນຕື່ມອີກ ສີນຄ້ານຳເຂົ້າແມ່ນບໍ່ໄດ້ຕິດສະຫຼາກເປັນພາສາລາວ ແລະ ຍັງມີການລັກລອບນຳເຂົ້າສິນຄ້າທີ່ຜິດກົດ ໝາຍ, ສີນຄ້າປອມແປງ, ສີນຄ້າລອກຮຽນແບບ ມາຈໍາໜ່າຍຕາມທ້ອງຕະຫຼາດຍັງມີຈຳນວນຫຼາຍ.
