ວິທະຍຸກະຈາຍສຽງຫວຽດນາມ, ປະຈຸບັນ ກ່ຽວກັບດ້ານພື້ນຖານໂຄງລ່າງ, ສສ ຫວຽດນາມ ພວມຄ່ອຍໆ ກໍ່ສ້າງໃຫ້ສົມບູນ ແບບຕອບສະໜອງໃຫ້ແກ່ການພັດທະນາ ຂອງຂະແໜງອຸດສາຫະກຳເຄິ່ງຊັກນຳໄຟຟ້າ. ຫລັງຈາກຂະແໜງເຄິ່ງຊັກນຳໄຟຟ້າແມ່ນແກ່ນສານ ຂອງຂະແໜງອຸດສາຫະກຳເອເລັກໂຕຣນິກ, ໄດ້ຮັບຖືວ່າແມ່ນພື້ນຖານຂອງການຫັນປ່ຽນ 3 ປະການ ທີ່ສຳຄັນໃນການປະຕິວັດອຸດສາຫະກຳ 4.0, ນັ້ນແມ່ນ: ການຫັນເປັນດີຈີຕອນ, ການຫັນເປັນສີຂຽວ, ການຫັນເປັນອັດສະລິຍະ. ໃນສະພາບການຫັນລະບົບສະໜອງເປັນຫລາຍຮູບຫລາຍແບບ ແລະ ການຜັນແປຢ່າງສັບສົນ ກ່ຽວກັບພູມສາດການເມືອງໃນໂລກ, ບັນດາວິສາຫະກິດຂະແໜງເຄິ່ງຊັກນຳໄຟຟ້າໄດ້ ແລະ ພວມຫັນທິດມຸ່ງໄປເຖິງບັນດາປະເທດຢູ່ພາກພື້ນ ອາຊີ, ໃນນັ້ນມີ ສສ ຫວຽດນາມ ເພື່ອບໍ່ໃຫ້ພາດໂອກາດນີ້, ສສ ຫວຽດນາມ ໄດ້ສຸມໃສ່ເຂົ້າບັນດາຂອດບຸກທະລຸ: ສ້າງລະບອບລະບຽບການໃຫ້ສົມບູນແບບ, ສ້າງພື້ນຖານໂຄງລ່າງຢ່າງຄົບຊຸດ ແລະ ພັດທະນາແຫລ່ງຊັບພະຍາກອນ ທີ່ມີຄຸນນະພາບສູງ, ເພື່ອຍົກລະດັບຫວຽດນາມ ໃນລະບົບສະໜອງເຄິ່ງຊັກນຳໄຟຟ້າທົ່ວໂລກ. ຫລາຍກວ່າ 10 ປີຜ່ານມາ, ຂະແໜງອຸດສາຫະກຳເຄິ່ງຊັກນຳໄຟຟ້າທົ່ວໂລກໄດ້ເພີ່ມຂຶ້ນ 14% ໃນແຕ່ລະປີ, ບັນລຸລາຍຮັບເກືອບ 600 ຕື້ໂດລາ ສະຫະລັດ ໄລ່ຮອດປີ 2023. ຂະແໜງເຄິ່ງຊັກນຳໄຟຟ້າໄດ້ຮັບຄວາມຫວັງວ່າຈະສືບຕໍ່ບັນລຸການເຕີບໂຕຢ່າງແຮງລະດັບ 1.000 ຕື້ ໂດລາສະຫະລັດ ໃນປີ 2030.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
