(ນະຄອນຫຼວງວຽງຈັນ, ວັນທີ 9 ກັນຍາ 2024) – ບໍລິສັດຫ້າງຫຸ້ນສ່ວນການບິນ VietJet (HOSE: VJC) ໄດ້ອອກຖະແຫຼງການກວດກາການເງິນ ເຄິ່ງປີທຳອິດຂອງປີ 2024 (H1/2024) ລາຍງານຜົນລາຍຮັບ ແລະ ກຳໄລເພີ່ມຂຶ້ນຢ່າງເຕີບໃຫຍ່ເມື່ອທຽບໃສ່ປີຕໍ່ປີ (YoY).
ບົດລາຍງານຊີ້ໃຫ້ເຫັນວ່າ ລາຍຮັບການຂົນສົ່ງທາງອາກາດຂອງ VietJet ບັນລຸເຖິງ 33.862 ຕື້ດົ່ງ (ປະມານ 1,37 ຕື້ ໂດລາສະຫາລັດ) ໃນຊ່ວງ 6 ເດືອນຕົ້ນປີ 2024 ເຊິ່ງສູງກວ່າງົບປະມານການເງິນທີ່ໄດ້ສັງລວມເລັກໜ້ອຍ. ກຳໄລກ່ອນການເສຍອາກອນແມ່ນຢູ່ທີ່ 1.166 ພັນຕື້ດົ່ງ (ປະມານ 47,38 ລ້ານໂດລາສະຫະລັດ), ເພີ່ມຂຶ້ນຢ່າງຫຼວງຫຼາຍເຖິງ 688% ເມື່ອທຽບໃສ່ປີຕໍ່ປີ.
VietJet ລາຍງານລາຍຮັບລວມຊ່ວງເຄິ່ງປີທຳອິດປະມານ 34.030 ພັນຕື້ດົ່ງ (ປະມານ 1.38 ຕື້ໂດລາສະຫະລັດ) ແລະ ກໍາໄລກ່ອນເສຍອາກອນລວມຫຼາຍກວ່າ 1 ພັນຕື້ດົ່ງ (ປະມານ 40.63 ລ້ານໂດລາສະຫະລັດ), ເພີ່ມຂຶ້ນ 15% ແລະ 307% ຕາມລໍາດັບ.
ມາຮອດວັນທີ 30 ມິຖຸນາ 2024, ຊັບສິນທັງໝົດຂອງ VietJet ມີກວ່າ 92.205 ພັນຕື້ດົ່ງ (ປະມານ 3.74 ຕື້ໂດລາສະຫະລັດ). ອັດຕາສ່ວນຫນີ້ສິນຕໍ່ຫຸ້ນຍັງຄົງຢູ່ທີ່ປະມານ 2.16 ເທົ່າ ທຽບກັບຄ່າສະເລ່ຍທົ່ວໂລກຢູ່ທີ່ 5 ເທົ່າ. ອັດຕາສ່ວນສະພາບຄ່ອງຢູ່ທີ່ 1.39 ເທົ່າ ເຊິ່ງຢູ່ໃນຂອບເຂດທີ່ດີສໍາລັບອຸດສາຫະກໍາການບິນ.
ຕາມ Saigon Ratings, ອົງການຈັດອັນດັບສິນເຊື່ອອິດສະຫຼະ, VietJet ໄດ້ຮັກສາລະດັບສິນເຊື່ອໃນໄລຍະຍາວຂອງ “vnBBB” ດ້ວຍ “ໝັ້ນຄົງ” ຈາກການຟື້ນຕົວຢ່າງບໍ່ຢຸດຢັ້ງຂອງສາຍການບິນ ແລະ ການກະກຽມຢ່າງຕັ້ງໜ້າສຳລັບແຜນການໃນໄລຍະປີ 2022 ແລະ 2023, VietJet ຄາດວ່າຈະບັນລຸບັນດາການພັດທະນາຢ່າງວ່ອງໄວ ແລະ ຍືນຍົງຍິ່ງຂຶ້ນໃນໄລຍະກາງ ແລະ ໄລຍະຍາວ.
ໃນເຄິ່ງທຳອິດຂອງປີ 2024, VietJet ໄດ້ຊຳລະພາສີ ແລະ ຄ່າທຳນຽມທາງກົງ ແລະ ທາງອ້ອມເປັນມູນຄ່າ 3.687 ຕື້ດົ່ງ (ປະມານ 146,78 ລ້ານໂດລາສະຫາລັດ).
ໃນເຄິ່ງປີທຳອິດຂອງ 2024 ສາຍການບິນໄດ້ຂົນສົ່ງຜູ້ໂດຍສານທັງໝົດ 13.1 ລ້ານຄົນໃນຫຼາຍກວ່າ 70,000 ຖ້ຽວບິນ. ຈຳນວນຜູ້ໂດຍສານລະຫວ່າງປະເທດບັນລຸ 5,5 ລ້ານຄົນ ໃນຂະນະທີ່ຖ້ຽວບິນສາກົນເກີນ 28,300 ຖ້ຽວບິນ, ມີອັດຕາເພີ່ມຂຶ້ນ 52% ແລະ 43% ຕາມລໍາດັບເມື່ອທຽບໃສ່ລາຍປີ. ສິ່ງນີ້ຈະເຮັດໃຫ້ VietJet ເປັນສາຍການບິນຊັ້ນນໍາໃນດ້ານປະລິມານຈຳນວນຜູ້ໂດຍສານ.
VietJet ໃຫ້ບໍລິການຫຼາຍກວ່າ 149 ເສັ້ນທາງໃນທົ່ວປະເທດຫວຽດນາມ ແລະ ຕ່າງປະເທດ, ໃນນັ້ນມີ 38 ເສັ້ນທາງພາຍໃນ ແລະ ຕ່າງປະເທດ 111 ເສັ້ນທາງ, ລວມທັງປະເທດລາວດ້ວຍເສັ້ນທາງໃໝ່ທີ່ເຊື່ອມຕໍ່ຈາກນະຄອນຫຼວງວຽງຈັນ ຫາ ນະຄອນໂຮ່ຈີມິນ ໂດຍມີ 4 ຖ້ຽວຕໍ່ອາທິດໃນວັນຈັນ, ວັນພຸດ, ວັນສຸກ ແລະ ວັນອາທິດ ເຊິ່ງໃຊ້ເວລາບິນແມ່ນພຽງແຕ່ 1 ຊົ່ວໂມງ 45 ນາທີ.
ສາຍການບິນ VietJet ມີເຮືອບິນ 105 ລຳ (ລວມທັງ VietJet ປະເທດໄທ), VietJet ພວມຕັ້ງໜ້າຂະຫຍາຍເຄືອຂ່າຍການບິນຂ້າມທະວີບ ໂດຍທີ່ພັດທະນາເຮືອບິນໃໝ່, ທັນສະໄໝ ແລະ ເປັນມິດຕໍ່ສິ່ງແວດລ້ອມ.
VietJet ໄດ້ຮັບກຽດຈາກວາລະສານການເງິນສາກົນ International Finance ເປັນ “ສາຍການບິນລາຄາປະຢັດດີທີ່ສຸດໃນອາຊີຕາເວັນອອກສຽງໃຕ້” ແລະ “ດີທີ່ສຸດດ້ານການເງິນ-ບໍລິຫານ-ການບິນ-ຫວຽດນາມ” ໄດ້ຖືກການຍອມຮັບໂດຍ Airline Ratings ເປັນ “ສາຍການບິນລາຄາຖືກສຸດພິເສດ” ແລະ “ການບໍລິການຕ້ອນຮັບເທິງເຮືອບິນທີ່ລາຄາຖືກດີທີ່ສຸດ” ແລະ ເປັນໜຶ່ງໃນ 50 ບໍລິສັດທີ່ດີທີ່ສຸດຂອງ Forbes ໃນຫວຽດນາມ ໃນປີ 2024.
ສາຍການບິນນີ້ຍັງໄດ້ຮັບລາງວັນສອງຢ່າງໃນງານ World Travel Awards 2024 ໂດຍໄດ້ຮັບລາງວັນ “ສາຍການບິນຊັ້ນນຳຂອງອາຊີດ້ານການໃຫ້ປະສົບການແກ່ລູກຄ້າ” ແລະ “ສາຍການບິນຊັ້ນນໍາດ້ານໂປຣແກມສະສົມຄະແນນຂອງອາຊີ”.
