ໃນຊ່ວງເວລາທີ່ຕະຫຼາດການບິນທົ່ວໂລກທີ່ປະສົບກັບບັນຫາການຂາດແຄນ ແລະ ຄວາມຕ້ອງການການເດີນທາງທີ່ເພີ່ມຂຶ້ນ, VietJet ຄາດວ່າຈະຮັບມອບເຮືອບິນໃໝ່ເຖິງ 10 ລຳໃນທ້າຍປີ 2024. ການຂະຫຍາຍຕົວນີ້ຈະຊ່ວຍສ້າງຄວາມເຂັ້ມແຂງໃຫ້ກັບສາຍການບິນທີ່ທັນສະໄໝຂອງສາຍການບິນໃຫ້ສອດຄ່ອງກັບເປົ້າໝາຍການພັດທະນາ ແລະ ຊ່ວຍຍົກລະດັບປະສົບການ ການເດີນທາງຂອງຜູ້ໂດຍສານໃນເຄືອຂ່າຍເສັ້ນທາງທີ່ກວ້າງຂວາງ ລວມທັງການບໍລິການຢູ່ລາວ.
ເຮືອບິນໃໝ່ສ່ວນໃຫຍ່ມີກຳນົດການຮັບມອບຕັ້ງແຕ່ເດືອນສິງຫາ ປີ 2024 ເປັນຕົ້ນ ລຸ້ນ A321neo ACF (Airbus Cabin Flex) ເປັນລຸ້ນຫຼ້າສຸດຈາກ Airbus. ໃນປີ 2019, VietJet ແມ່ນບໍລິສັດສາຍການບິນທຳອິດຂອງໂລກທີ່ໃຫ້ບໍລິການການບິນດ້ວຍ ACF.
A321neo ACF ມີການອອກແບບຫ້ອງໂດຍສານທີ່ໄດ້ຮັບການປັບປຸງໃໝ່, ຮັບປະກັນໄດ້ເລີຍວ່າຂະໜາາດຂອງບ່ອນນັ່ງ ແລະ ໄລຍະຫ່າງລະຫວ່າງບອ່ນນັ່ງທີ່ໄດ້ມາດຕະຖານຈະມອບປະສົບການທີ່ດີທີ່ສຸດສໍາລັບຜູ້ໂດຍສານ. ເຮືອບິນເຫຼົ່ານີ້ຍັງປະຢັດນໍ້າມັນເຊື້ອໄຟຢ່າງໜ້ອຍ 16%, ຫຼຸດຜ່ອນສຽງລົບກວນເຖິງ 75% ແລະ ຫຼຸດຜ່ອນການປ່ອຍອາຍມົນລະພິດລົງເຖິງ 50%.
ເມື່ອບໍ່ດົນມານີ້, VietJet ໄດ້ສັ່ງຊື້ເຮືອບິນລຳໃຫຍ່ກັບ Airbus A330neo (A330-900) ລຸ້ນໃໝ່ຈຳນວນ 20 ລຳ, ດ້ວຍມູນຄ່າປະມານ 7,4 ຕື້ໂດລາ (163 ຕື້ກີບ). ໃນໄວໆນີ້ນັກທ່ອງທ່ຽວຈະສາມາດເດີນທາງດ້ວຍເຮືອບິນເຫຼົ່ານີ້ໃນການເດີນທາງໄກ ແລະ ໄດ້ຮັບປະສົບການໃນການເດີນທາງທີ່ປອດໄພ, ມີຄວາມສະດວກສະບາຍ ແລະ ສິ່ງອໍານວຍຄວາມສະດວກທີ່ທັນສະໄໝທີ່ສຸດ.
ປັດຈຸບັນ, VietJet ມີການດຳເນີນການບິນຫຼາຍກວ່າ 100 ລຳ, ລວມທັງເຮືອບິນລຸ້ນທີ່ມີຄວາມທັນສະໄໝ ແລະ ປອດໄພທີ່ສຸດໃນໂລກເຊັ່ນ: A320, A321ceo, A321neo ແລະ A321neo ACF ແລະ A330. ສາຍການບິນຍັງມຸ່ງໝັ້ນໃນການປົກປັກຮັກສາສິ່ງແວດລ້ອມ ແລະ ປະສິດທິພາບການໃຊ້ນ້ຳມັນເຊື້ອໄຟ ໂດຍມີເປົ້າໝາຍທີ່ຈະຫຼຸດການປ່ອຍອາຍມົນພິດໃຫ້ເປັນສູນພາຍໃນປີ 2050. VietJet ຍັງໄດ້ຂົນສົ່ງຜູ້ໂດຍສານໄປແລ້ວກວ່າ 200 ລ້ານຄົນ, ໃນນັ້ນມີຫຼາຍໃນນັ້ນລວມທັງຜູ້ໂດຍສານຫຼາຍລ້ານຄົນທີ່ເດີນທາງດ້ວຍເຮືອບີນເປັນຄັ້ງທໍາອິດ.
ໃນຊ່ວງທຳອິດຂອງປີ 2024, VietJet ໄດ້ບໍລິການຜູ້ໂດຍສານ 13,1 ລ້ານຄົນ ແລະ ດຳເນີນຖ້ຽວບິນ 70.154 ຖ້ຽວ. ລາຍຮັບລວມຂອງສາຍການບິນມີຢູ່ທີ່ 34.016 ພັນຕື້ດົ້ງ (ປະມານ 29.835 ພັນຕື້ກີບ) ໂດຍມີອາກອນກ່ອນຫັກອາກອນກຳໄລເຖິງ 1.311 ພັນຕື້ດົ້ງ (ປະມານ 1.149 ພັນຕື້ກີບ), ເຊິ່ງເພີ່ມຂຶ້ນ 15% ແລະ 433% ຕໍ່ປີ. ກໍາໄລໄດ້ເກີນເປົ້າໝາຍໃນຊ່ວງເຄິ່ງປີເຖິງ 21%. ນອກນັ້ນ, VietJet ໄດ້ຈ່າຍຄ່າພາສີອາກອນ ແລະ ຄ່າທຳນຽມທາງກົງທາງອ້ອມຢູ່ທີ່ 3.687 ພັນຕື້ດົ້ງ (ປະມານ 3.243 ພັນຕື້ກີບ).
ດ້ວຍເຮືອບິນໃໝ່ 10 ລຳທີ່ເຂົ້າມາພາຍໃນເຄີ່ງປີທີສອງຂອງປີ 2024, Vietjet ຈະສືບຕໍ່ຂະຫຍາຍເຄືອຂ່າຍທັງຢູ່ຫວຽດນາມ ແລະ ຕ່າງປະເທດ, ພາຍຫຼັງທີ່ເພີ່ມຈຸດໝາຍປາຍທາງໃໝ່ຢູ່ອົດສະຕາລີ, ອິນເດຍ, ຈີນ, ຍີ່ປຸ່ນ, ສ.ເກົາຫຼີ, ອິນໂດເນເຊຍ, ໄທ, ສິງກະໂປ, ມາເລເຊຍ, ລາວ, ກໍາປູເຈຍ ແລະ ອື່ນໆ. ໂດຍສະເພາະປະເທດລາວ, ສາຍການບິນແມ່ນມີຖ້ຽວບິນຈາກນະຄອນຫຼວງວຽງຈັນ ຫາ ນະຄອນໂຮ່ຈີມິນ, ໂດຍມີ 4 ຖ້ຽວບິນໄປກັບຕໍ່ອາທິດໃນວັນຈັນ, ວັນພຸດ, ວັນສຸກ ແລະ ວັນອາທິດ ເຊິ່ງໃຊ້ເວລາບິນພຽງແຕ່ 1 ຊົ່ວໂມງ 45 ນາທີ. ນອກຈາກນີ້, ນັກທ່ອງທ່ຽວສາມາດເດີນທາງໄປເຖິງຈຸດເຊື່ອມຕໍ່ສະຖານທີ່ອື່ນໆໃນພາກຕາເວັນອອກສຽງໃຕ້ ແລະ ພາກຕາເວັນອອກສຽງເໜືອຂອງອາຊີ.
ເມື່ອໄວໆນີ້, ບໍລິສັດສາຍການບິນ Vietjet ໄດ້ປະກາດບົດບັນທຶກຄວາມເຂົ້າໃຈ (MOU) ກັບກະຊວງໂຍທາທິການ ແລະ ຂົນສົ່ງປະຈຳ ສປ. ລາວ ເພື່ອຈັດຕັ້ງປະຕິບັດບັນດາໂຄງການທີ່ກ່ຽວຂ້ອງກັບການບິນ. ໃນນັ້ນມີການຈັດຕັ້ງສູນສ້ອມແປງລະບົບບຳລຸງຮັກສາ (MRO) ຢູ່ລາວ. ຄາດວ່າໂຄງການເຫຼົ່ານີ້ຈະຊ່ວຍສ້າງວຽກເຮັດງານທຳໃໝ່ໃຫ້ເຖິງ 2,500 ຄົນໃນຂະແໜງການການບິນຂອງປະເທດໃນອານາຄົດ.
ການເພີ່ມເຮືອບິນໃນຄັ້ງນີ້ຄາດວ່າຈະຕອບສະໜອງຄວາມຕ້ອງການຂອງນັກທ່ອງທ່ຽວ ຄຽງຄູ່ກັບການມີລູກເຮືອທີ່ເປັນມືອາຊີບ ແລະ ມີຄວາມທຸ້ມເທ ພ້ອມທັງມອບປະສົບການການບິນທີ່ດີເລີດອີກດ້ວຍ. ຖ້ຽວບິນທີ່ປອດໄພຂອງ Vietjet ມີການເຊື່ອມໂຍງຕໍ່ກັບບັນດາປະເທດ, ວັດທະນະທຳ ແລະ ທະວີບອື່ນໆ ເພື່ອຊຸກຍູ້ການພັດທະນາເສດຖະກິດ, ແລກປ່ຽນວັດທະນະທຳ ແລະ ການທ່ອງທ່ຽວ.
