ຕາມຂ່າວຈາກຈາກາຕາ, ໜ່ວຍງານຈັດການໄພພິບັດແຫ່ງຊາດ ຂອງອິນໂດເນເຊຍ(BNPB)ເປີດເຜີຍວ່າ: ປັດຈຸບັນ ອິນໂດເນເຊຍ ກາຍເປັນປະເທດ ທີ່ມີຄວາມສ່ຽງ ຈາກໄພພິບັດທາງທຳມະຊາດ ສູງເປັນອັນດັບ 2ຂອງໂລກ ຮອງຈາກ ຟີລິນປິນ ຈາກ 193 ປະເທດ ໃນການລາຍງານ ຄວາມສ່ຽງຂອງໂລກ ປະຈຳປີ2023 ໂດຍມີ ຄະແນນ ດັດຊະນີ ຄວາມສ່ຽງໂລກ 43,5 ຄະແນນ ຈາກທັງໝົດ 100 ຄະແນນ ສ່ວນຟີລິບປິນ ໄດ້ຄະແນນສູງສຸດ 46,86 ຄະແນນ.
![](https://medialaos.net/wp-content/uploads/2024/04/435768046_863980029089638_3984209499372895235_n.jpg)
ອິນໂດເນເຊຍ ຢູ່ໃນພື້ນທີ່ ເຂດຮ້ອນ ແລະ ຕັ້ງຢູ່ໃນຈຸດ ພົບປະ ລະຫວ່າງ ສອງມະຫາສະມຸດ ແລະ ສອງ ທະວີບ ສົ່ງຜົນໃຫ້ເກີດມີຄວາມສ່ຽງ ດ້ານໄພພິບັດ ເຊັ່ນ: ນ້ຳຖ້ວມ, ແຜນດິນໄຫວ, ດິນເຈື່ອນ ແລະ ສະພາບ ອາກາດ ຮຸນແຮງ ຈຶ່ງເຊີນຊວນ ໃຫ້ຊາວອິນໂດເນເຊຍ ທຸກຄົນເຂົ້າຮ່ວມ ກິດຈະກຳ ວັນພະລັງ ຮັບມື ໄພພິບັດ ທີ່ຈະຈັດຂຶ້ນ ໃນວັນທີ26 ເມສານີ້.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ