ການນອນແມ່ນມີຄວາມສໍາຄັນຕໍ່ສຸຂະພາບ ແລະ ຈິດໃຈ ຫຼາຍທ່ານຄົງຈະຮູ້ວ່າການນອນບໍ່ພຽງພໍມີຜົນກະທົບແນວໃດຕໍ່ຮ່າງກາຍ! ແຕ່ທ່ານຮູ້ບໍວ່າ ອາຫານທີ່ພວກເຮົາກິນກ່ອນນອນ ຍັງມີຜົນກະທົບຕໍ່ການນອນຫຼັບໄດ້ເຊັ່ນກັນ ບົດຄວາມນີ້ຈະຊ່ວຍແນະນໍາອາຫານທີ່ບໍ່ຄວນກິນກ່ອນນອນ ເພື່ອຊ່ວຍໃຫ້ທ່ານນອນຫຼັບສະບາຍຍີ່ງຂຶ້ນ.
![](https://medialaos.net/wp-content/uploads/2024/03/top-view-cup-coffee-table_181624-38979.jpg)
1. ອາຫານທີ່ມີຄາເຟອີນ
ຊາ, ກາເຟ, ຊັອກໂກແລັດ
ຄາເຟອີນເປັນສານກະຕຸ້ນລະບົບປະສາດ ເຮັດໃຫ້ຮ່າງກາຍຕື່ນໂຕ ແລະ ນອນຫຼັບຍາກ
![](https://medialaos.net/wp-content/uploads/2024/03/pork-belly-pan-with-pepper-seeds-tomatoes-spices_1150-22015.jpg)
2. ອາຫານທີ່ມີໄຂມັນສູງ
ອາຫານຂົ້ວ, ອາຫານມັນ, ຊີ້ນທີ່ມີໄຂມັນ
ອາຫານທີ່ມີໄຂມັນສູງຈະໃຊ້ເວລາດົນໃນການຍ່ອຍອາຫານ ກະເພາະອາຫານເຮັດວຽກຫນັກ ເຮັດໃຫ້ນອນຫຼັບບໍ່ສະບາຍ
![](https://medialaos.net/wp-content/uploads/2024/03/thai-papaya-salad-white-plate-with-sticky-rice-dried-shrimps_1150-20235.jpg)
3. ອາຫານເຜັດ
ອາຫານເຜັດ, ອາຫານເຄັມ, ອາຫານສົ້ມ
ອາຫານເຜັດກະຕຸ້ນກະເພາະອາຫານໃຫ້ປ່ອຍກົດອອກມາຫຼາຍ ຈະເຮັດໃຫ້ເຈັບກະເພາະ, ກົດໄຫລຍ້ອນ ແລະ ການລົບກວນການນອນ
![](https://medialaos.net/wp-content/uploads/2024/03/selection-food-high-sugar_89198-1322.jpg)
4. ອາຫານທີ່ມີນໍ້າຕານສູງ
ເຂົ້າໜົມຫວານ, ນ້ຳກ້ອນ, ນ້ຳໝາກໄມ້
ນໍ້າຕານສູງເຮັດໃຫ້ຮ່າງກາຍບໍ່ສາມາດເຜົາຜານພະລັງງານທັງໝົດໄດ້ ຈະຮູ້ສຶກຮ້ອນໃນ ແລະ ນອນບໍ່ຫຼັບ
![](https://medialaos.net/wp-content/uploads/2024/03/delicious-pieces-cheese_144627-43352.jpg)
5. ເນີຍ
ເນີຍບາງຊະນິດມີອາຊິດ amino tyramine ກະຕຸ້ນສະໝອງໃຫ້ຕື່ນໂຕ ເຮັດໃຫ້ນອນຫຼັບຍາກ
![](https://medialaos.net/wp-content/uploads/2024/03/front-view-onions-garlics-fresh-ingredients_140725-130807.jpg)
6. ຜັກທຽມ ແລະ ຜັກບົ່ວ
ເຮັດໃຫ້ລະບົບຍ່ອຍອາຫານເຮັດວຽກໜັກ ສົ່ງຜົນກະທົບໃຫ້ນອນບໍ່ຫຼັບ
![](https://medialaos.net/wp-content/uploads/2024/03/still-life-wine-carafe-table_23-2149631753.jpg)
7. ເຫຼົ້າ
ເຫຼົ້າຊ່ວຍໃຫ້ທ່ານນອນຫຼັບງ່າຍ ແຕ່ຈະເຮັດໃຫ້ທ່ານນອນບໍ່ຫຼັບດີ ມັກຕື່ນນອນໃນກາງຄືນ ແລະ ຮູ້ສຶກເມື່ອຍ
![](https://medialaos.net/wp-content/uploads/2024/03/colorful-soda-drinks-macro-shot_53876-18225.jpg)
8. ນ້ຳອັດລົມ
ນໍ້າອັດລົມ ມີແກັສ ເຮັດໃຫ້ເກີດອາການທ້ອງອືດ, ແໜ້ນທ້ອງ ແລະ ລົບກວນການນອນ
![](https://medialaos.net/wp-content/uploads/2024/03/japanese-raw-tuna-sashimi-fish-fresh_1150-10780.jpg)
9. ອາຫານປຸງແຕ່ງບໍ່ສຸກ (ອາຫານດິບ)
ອາຫານບໍ່ສຸກ ສ່ຽງຕໍ່ການເປັນພິດ, ຖອກທ້ອງ ແລະ ສົ່ງຜົນກະທົບຕໍ່ການນອນ
ຄໍາແນະນໍາ
- ຕ້ອງກິນເຂົ້າແລງກ່ອນຈະນອນຢ່າງໜ້ອຍ 2-3 ຊົ່ວໂມງ.
- ເລືອກກິນອາຫານຄໍ່າທີ່ຍ່ອຍງ່າຍໆ ເຊັ່ນ: ເຂົ້າປຽກເຂົ້າ, ແກງ ແລະ ລວກຜັກ.
- ດື່ມນົມອຸ່ນໆ ແລະ ດື່ມຊາສະຫມຸນໄພກ່ອນນອນ ຊ່ວຍໃຫ້ທ່ານນອນຫຼັບສະບາຍ.