ລັດວິສາຫະກິດການບິນລາວ ແຈ້ງໃຫ້ຮູ້ວ່າ: ສາຍການບິນລາວແອລາຍ ຈະເປີດການບິນ ໄປແຂວງຫົວພັນ ທຸກມື້ ໂດຍຈະເລີ່ມໃຫ້ບໍລິການນີ້ ເລີ່ມແຕ່ວັນທີ 01 ເມສາ 2024 ເປັນຕົ້ນໄປ ເພື່ອຕອບສະໜອງຄວາມຕ້ອງການທີ່ເພີ່ມຂຶ້ນຢ່າງຕໍ່ ເນື່ອງ.
![](https://medialaos.net/wp-content/uploads/2024/03/432008966_925000626302421_2512625453496469964_n.jpg)
ຖ້ຽວບິນໄປຫົວພັນ ຈະບິນອອກຈາກນະຄອນຫຼວງວຽງຈັນ ຕອນເຊົ້າ 8 ໂມງ 40 ນາທີ ແລະ ຮອດສະຫນາມບິນ ແຂວງຫົວພັນ ເວລາ 9 ໂມງ 40 ນາທີ, ແລະ ຈະບິນກັບ ອອກຈາກຫົວພັນ ເວລາ 10 ໂມງ 20 ນາທີ ຮອດນະຄອນຫຼວງວຽງຈັນ ເວລາ 11 ໂມງ 20 ນາທີ
ນອກຈາກນີ້ ການບິນລາວ ຍັງຈະເພີ່ມຖ້ຽວບິນ ໄປແຂວງຫຼວງນໍ້າທາ ຂຶ້ນເປັນ 2 ຖ້ຽວຕໍ່ມື້ ເລີ່ມ 31 ມີນາ 2024 ເປັນຕົ້ນໄປ, ໃນນີ້ ຖ້ຽວບິນໄປຫຼວງນໍ້າທາ ທ່ຽວທີ່ 1 ຈະອອກຈາກ ນະຄອນຫຼວງວຽງຈັນ ເວລາ 12 ໂມງ 00 ຮອດຫຼວງນໍ້າທາ ເວລາ 13 ໂມງ 00 ແລະ ກັບເວລາ 13 ໂມງ 40 ນາທີ ຮອດນະຄອນຫຼວງວຽງຈັນ ເວລາ 14 ໂມງ 40 ນາທີ . ສ່ວນອີກຖ້ຽວ ຈະອອກຈາກ ນະຄອນຫຼວງວຽງຈັນ ເວລາ 13 ໂມງ 40 ນາທີ ແລະ ຮອດຫຼວງນໍ້າທາ ເວລາ 14 ໂມງ 40 ນາທີ, ແລະ ກັບເວລາ 15 ໂມງ 20 ນາທີ ຮອດນະຄອນຫຼວງວຽງຈັນ ເວລາ 16 ໂມງ 20 ນາທີ.