ສຳນັກຂ່າວ CNBC, ເມື່ອບໍ່ດົນມານີ້, ທະນາຄານກາງ ອາກຊັງຕິນ ປະກາດ ປັບຫລຸດ ອັດຕາ ດອກເບ້ຍ ນະໂຍບາຍລົງ ເປັນ 80%ຈາກ 100%ເນື່ອງຈາກ ຄະນະ ກຳມະການ ທະນາຄານກາງ ເຫັນວ່າ:ອັດຕາ ເງິນເຟີ້ ປະຈໍາເດືອນ ໄດ້ເລີ່ມຊ້າລົງ.ຂະນະທີ່, ເງິນເປໂຊ ຂອງອາກຊັງຕິນ ຍັງຄົງແຂງຄ່າ ເມື່ອທຽບກັບ ຄ່າເງິນໂດລາ ສະຫະລັດ ໃນຕະຫລາດໂລກ. ທະນາຄານ ອາກຊັງຕິນ ລະບຸເຖິງ ຫລາຍປັດໄຈ ທີ່ໃຊ້ປະກອບ ການພິຈາລະນາ ການປັບຫລຸດ ອັດຕາ ດອກເບ້ຍ ຄັ້ງນີ້ ລວມທັງ ການສ້າງຕັ້ງ ທຶນສຳຮອງໃໝ່ ຢ່າງຕໍ່ເນື່ອງ.ເຖິງວ່າ ອັດຕາ ເງິນເຟີ້ ປະຈໍາປີ ເກີນ 250%ກໍ່ຕາມ.ດັດຊະນີ ລາຄາ ຜູ້ບໍລິໂພກ(CPI) ຈະເພີ່ມຂຶ້ນ ລະດັບ 15%/ໃນເດືອນກຸມພາ, ຊ້າລົງ ຈາກ 21% ໃນເດືອນມັງກອນ ແລະ 26% ໃນເດືອນທັນວາ. ເຖິງຢ່າງໃດກໍຕາມ, ອັດຕາເງິນເຟີ້ ຂອງປີຕໍ່ປີ ມີທ່າອຽງ ເພີ່ມຂຶ້ນ ຫລາຍກວ່າ 280%.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
