ພິທີເປີດນຳໃຊ້ ແລະ ມອບ-ຮັບໂຄງການກໍ່ສ້າງສຳນັກງານພະແນກຍຸຕິທຳ ແລະ ອົງການໄອຍະການປະຊາຊົນນະຄອນຫຼວງ ວຽງຈັນ ຈັດຂຶ້ນວັນທີ 12 ມີນານີ້ ທີ່ ບ້ານໂນນສະອາດ ເມືອງໄຊທານີ ນະຄອນຫຼວງວຽງຈັນ ໂດຍໃຫ້ກຽດເຂົ້າຮ່ວມຂອງ ທ່ານ ອານຸພາບ ຕຸນາລົມ ຄະນະເລຂາທິການສູນກາງພັກ ເລຂາຄະນະ ພັກ ປະທານສະພາປະຊາຊົນນະຄອນຫຼວງວຽງຈັນ, ທ່ານ ດິງ ຕ໋ຽນ ຢູງ ກຳມະການກົມການເມືອງສູນກາງພັກກອມມູນິດຫວຽດນາມ ເລຂາຄະນະພັກນະຄອນຫຼວງຮ່າໂນ້ຍ ພ້ອມດ້ວຍບັນດາການນຳນະຄອນຫຼວງວຽງຈັນ ແລະ ພາກສ່ວນກ່ຽວຂ້ອງເຂົ້າຮ່ວມ.
ໂຄງການກໍ່ສ້າງສຳນັກງານ ພະແນກຍຸຕິທຳ ແລະ ອົງການໄອຍະການປະຊາຊົນ ນະຄອນຫຼວງ ວຽງຈັນ ແມ່ນຂອງຂວັນຂອງຄະ ນະພັກ ອົງການປົກຄອງ ແລະ ປະຊາຊົນນະຄອນຫຼວງຮ່າໂນ້ຍ ມອບໃຫ້ຄະນະພັກ ອົງການປົກຄອງ ແລະ ປະຊາຊົນນະຄອນ ຫຼວງວຽງຈັນ ໄລຍະປີ 2021-2025 ໂດຍແມ່ນ ບໍລິສັດ ຈິດຈະເລີນ ກໍ່ສ້າງຈໍາກັດ ເປັນຜູ້ຮັບເໝົາກໍ່ສ້າງໃນເນື້ອທີ່ 2,5 ເຮັກຕາ ໂດຍເລີ່ມລົງມືກໍ່ສ້າງໃນວັນທີ 5 ມີນາ 2022 ແລະ ສຳເລັດວັນທີ 28 ທັນວາ 2023 ຜ່ານມາ ຊຶ່ງໂຄງການປະກອບມີໜ້າວຽກຄື: ສ້າງຫ້ອງການ 3 ຊັ້ນ 2 ຫຼັງ ແລະ ສະໂມສອນ 1 ຫຼັງ, ເຮືອນປ້ອມຍາມ, ປະຕູໂຂງ, ຮົ້ວກໍາແພງ, ເດີ່ນ ແລະ ເສັ້ນ ທາງຈາລະຈອນພາຍໃນ, ບ່ອນຈອດລົດ, ສະຖານີໝໍ້ແປງໄຟຟ້າ, ເສົາທຸງ, ປ້າຍກິດຈະການ, ປູກຫຍ້າ ແລະ ອື່ນໆ ສຳເລັດຕາມແຜນການທີ່ວາງໄວ້ລວມມູນຄ່າການກໍ່ສ້າງທັງໝົດ 3 ລ້ານໂດລາ.
Cr: ໜັງສືພິມວຽງຈັນໃໝ່
