ແມນເຊັສເຕີ ຢູໄນເຕັດ ບຸກມາເອົາຊະນະ ແອສຕັນ ວິນລາ ເກັບ 3 ຄະແນນສໍາຄັນໃນເວທີ ພຣີເມຍລີກ ອັງກິດ. ການແຂ່ງຂັນບານເຕະ ພຣີເມຍລີກ ອັງກິດ ລະດູການ 2023-24 ນັດທີ 24 ຄູ່ສໍາຄັນ ປະຈໍາວັນອາທິດທີ 11 ກຸມພາ 2024 ແອສຕັນ ວິນລາ ອັນດັບ 5 ຂອງຕາຕະລາງ ເປີດສະໜາມ ວິນລາ ປາກ ຕ້ອນຮັບການມາຢາມຂອງ ແມນເຊັສເຕີ ຢູໄນເຕັດ ອັນດັບ 6 ຂອງຕາຕະລາງ.
ເຄິ່ງເວລາທໍາອິດ ມາເຖິງນາທີ 17 ແມນເຊັສເຕີ ຢູໄນເຕັດ ໄດ້ປະຕູຂຶ້ນນໍາ 1-0 ຈາກຈັງຫວະທີ່ ແຮຣີ ແມັກກວັຍ ເອົາຫົວຕໍາບານໃຫ້ ຣາສມັສ ຮອຍລຸນ ຍິງໃກ້ໆໃນເຂດໂທດເຂົ້າໄປເຕັມຕາຂ່າຍ ກ່ອນຈະຈົບເຄິ່ງເວລາທໍາອິດຈົບລົງດ້ວຍປະຕູນີ້.
ກັບມາຫຼິ້ນຕໍ່ໃນເຄິ່ງເວລາທີ 2 ແອສຕັນ ວິນລາ ພະຍາຍາມບຸກໃສ່ ແມນເຊັສເຕີ ຢູໄນເຕັດ ກະທັ່ງນາທີ 67 ແອສຕັນ ວິນລາ ໄລ່ຕີສະເໝີເປັນ 1-1 ຈາກການຍິງຂອງ ດັ໊ກລາສ ລຸຍ.
ຈາກນັ້ນ, ໃນນາທີ 86 ແມນເຊັສເຕີ ຢູໄນເຕັດ ຂຶ້ນນຳ ແອສຕັນ ວິນລາ 2-1 ຈາກຈັງຫວະທີ່ ດິໂອໂກ ດາໂລ ເປີດບານຈາກທາງຂວາເຂົ້າໄປຂອບເຂດໂທດ ສະກັອດ ແມັກໂທມິເນ່ ຂຶ້ນເອົາຫົວຕໍາບານເຂົ້າໄປຢ່າງສວຍງາມ.
ໃນໄລຍະເວລາທີ່ເຫຼືອ ທັງສອງທີມບໍ່ສາມາດເຮັດຫຍັງເພີ່ມໄດ້ ຈົບເກມ ແມນເຊັສເຕີ ຢູໄນເຕັດ ເອົາຊະນະ ແອສຕັນ ວິນລາ 2-1 ເກັບໄດ້ 41 ຄະແນນ, ຢູ່ອັນດັບທີ 6 ມີ 6 ຄະແນນ ຫ່າງອັນດັບ 4 ຂອງຕາຕະລາງ.
