Monday, May 27, 2024
Homeຂ່າວການເມືອງຫຼາຍພາກສ່ວນເຂົ້າອວຍພອນຄະນະນໍາກະຊວງປ້ອງກັນປະເທດ ໂອກາດວັນສ້າງຕັ້ງກອງທັບ ຄົບຮອບ 75 ປີ

ຫຼາຍພາກສ່ວນເຂົ້າອວຍພອນຄະນະນໍາກະຊວງປ້ອງກັນປະເທດ ໂອກາດວັນສ້າງຕັ້ງກອງທັບ ຄົບຮອບ 75 ປີ

ໃນວັນທີ 17 ມັງກອນ 2024, ຄະນະນໍາກະຊວງປ້ອງກັນປະເທດ ນໍາໂດຍ ສະຫາຍ ພົນໂທ ທອງລອຍ ສີລິວົງ ກຳມະການສູນກາງພັກ ຮອງລັດຖະມົນຕີກະຊວງປ້ອງກັນປະເທດ ໄດ້ຕ້ອນຮັບການເຂົ້າອວຍພອນຈາກຫຼາຍພາກສ່ວນ ທັງພາກລັດ ແລະ ພາກທຸລະກິດ ເນື່ອງໃນໂອກາດວັນສ້າງຕັ້ງກອງທັບ ປະຊາຊົນລາວ ຄົບຮອບ 75 ປີ

ສຳລັບຄະນະທີ່ມາອວຍພອນໃນຄັ້ງນີ້ປະກອບມີ: ຄະນະຈັດຕັ້ງສູນກາງພັກ; ຄະນະພົວພັນຕ່າງປະເທດສູນກາງພັກ; ຄະນະປະຈໍາສະພາແຫ່ງຊາດ; ຄະນະກຳມະທິການ ປກຊ-ປກສ ແຫ່ງຊາດ; ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ; ຫ້ອງວ່າການສໍານັກງານປະທານປະເທດ; ສານປະຊາຊົນສູງສຸດ, ກະຊວງການຕ່າງປະເທດ; ກະຊວງພະລັງງານ ແລະ ບໍ່ແຮ; ຄະນະນໍາແຂວງ ໄຊສົມບຸນ; ຄະນະກວດກາສູນກາງພັກ; ສະຖາບັນການເມືອງ-ການປົກຄອງ ແຫ່ງຊາດ; ກະຊວງພາຍໃນ; ກະຊວງແຮງງານ ແລະ ສະຫວັດດີການສັງຄົມ; ສູນກາງສະຫະພັນກຳມະບານລາວ; ສູນກາງຊາວໜຸ່ມປະຊາຊົນປະຕິວັດລາວ; ກະຊວງສາທາລະນະສຸກ; ກົມ 504 ກະຊວງ ປກສ. ພ້ອມນີ້ຍັງມີບໍລິສັດລັດວິສາຫະກິດພັດທະນາກະສິກຳ-ອຸດສາຫະກຳ ແລະ ບໍລິການຂາອອກ-ຂາເຂົ້າ ຈໍາກັດ; ບໍລິສັດລາວຣູສເທັກຄອມຈໍາກັດ; ບໍລິສັດເອັກດີເອວບໍ່ແຮ່ຈໍາກັດ; ບໍລິສັດລາວໂທລະຄົມມະນາຄົມມະຫາຊົນ ແລະ ໂຮງແຮມດອນຈັນ ຊຶ່ງໄດ້ນໍາເອົາກະຕ່າຂອງຂວັນ ແລະ ຄໍາອວຍພອນໄຊອັນປະເສີດ ເຂົ້າອວຍພອນ ເນື່ອງໃນໂອກາດວັນສ້າງຕັ້ງກອງທັບ ປະຊາຊົນລາວ ຄົບຮອບ 75 ປີ.

ໂອກາດນີ້, ສະຫາຍ ພົນໂທ ທອງລອຍ ສີລິວົງ ກໍໄດ້ຕາງໜ້າໃຫ້ຄະນະພັກ ຄະນະນໍາກະຊວງປ້ອງກັນປະເທດ ສະແດງຄວາມຂອບອົກ ຂອບໃຈ ພ້ອມທັງອວຍພອນໄຊອັນປະເສີດໃຫ້ແກ່ທຸກພາກສ່ວນ ຈົ່ງມີສຸຂະພາບເຂັ້ມແຂງ, ອາຍຸໝັ້ນຂວັນຍືນ ມີຜົນສໍາເລັດໃນໜ້າທີ່ການເມືອງ ຂອງຕົນທຸກປະການ.

ຂ່າວ: ສົມຫວັງ ພາບ ເກດສະໜາ

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments