ໃນທ່າມກາງບັນຍາກາດທີ່ທົ່ວພັກ, ທົ່ວລັດ, ທົ່ວກໍາລັງປະກອບອາວຸດ ແລະ ທົ່ວປວງຊົນລາວທັງຊາດ ພວມພ້ອມກັນຜັນຂະຫຍາຍມະຕິ XI ຂອງພັກເຂົ້າສູ່ໃນວຽກງານຕົວຈິງ, ກໍພໍດີຄົບຮອບ 75 ປີ ແຫ່ງການສ້າງຕັ້ງກອງທັບປະຊາຊົນລາວ (20 ມັງກອນ 1949-20 ມັງກອນ 2024). ຕະຫລອດໄລຍະເວລາດັ່ງ ກ່າວ, ກອງທັບປະຊາຊົນລາວ ພວກເຮົາສາມາດຮັກສາ ແລະ ເສີມຂະຫຍາຍໄດ້ທາດແທ້ມູນເຊື້ອ ອັນສະຫງ່າງາມຂອງຕົນຢ່າງບໍ່ຢຸດຢັ້ງ, ພ້ອມທັງສ້າງໄດ້ວິລະກຳອັນລໍ້າເລີດ ແລະ ຜົນງານອັນໃຫຍ່ຫລວງໃນພາ ລະກິດປົດປ່ອຍຊາດ ກໍ່ຄືພາລະກິດປົກປັກຮັກສາ ແລະ ສ້າງສາພັດທະນາປະ ເທດ ຊາດ. ປະທານ ໄກສອນ ພົມວິຫານ ໄດ້ກ່າວໄວ້ວ່າ: ” ເວລາໃດ ກອງທັບກໍ່ນຳໜ້າທຸກວຽກງານ, ເດັດດ່ຽວໜຽວແໜ້ນ, ຜ່ານຜ່າອຸປະສັກ, ສຳເລັດທຸກໜ້າທີ່, ຕີຊະນະສັດຕູທຸກໂຕ, ສົມແລ້ວເປັນກຳລັງແກ່ນສານທີ່ເຂັ້ມແຂງຂອງການປະຕິວັດ, ເປັນເຄື່ອງມືອັນແຫລມຄົມຂອງພັກ”.
75 ປີ ແຫ່ງການກໍາເນີດ ແລະ ເຕີບໃຫຍ່ຂະຫຍາຍຕົວຂອງກອງທັບປະຊາຊົນລາວ
RELATED ARTICLES
