Sunday, May 19, 2024
Homeຂ່າວພາຍໃນການແຂ່ງຂັນ ກິລາການທະຫານ ແລະ ກິລາມວນຊົນ ຄັ້ງທີ III ທົ່ວກອງທັບອັດລົງດ້ວຍຜົນສຳເລັດຢ່າງຈົບງາມ

ການແຂ່ງຂັນ ກິລາການທະຫານ ແລະ ກິລາມວນຊົນ ຄັ້ງທີ III ທົ່ວກອງທັບອັດລົງດ້ວຍຜົນສຳເລັດຢ່າງຈົບງາມ

ການແຂ່ງຂັນກິລາການທະຫານ ແລະ ກິລາມວນຊົນ ທົ່ວກອງທັບ ຄັ້ງທີ III ຂໍ່ານັບຮັບຕ້ອນວັນສ້າງກອງທັບ ຄົບຮອບ 75 ປີ ຊິງຂັນລັດຖະມົນຕີກະຊວງປ້ອງກັນປະເທດ ໄດ້ອັດລົງດ້ວຍຜົນສໍາເລັດຢ່າງຈົບງາມ ໃນວັນທີ 13 ມັງກອນ 2024 ທີ່ສະຫນາມກິລາກອງທັບ ຫລັກ 5, ພາຍຫລັງທີ່ໄດ້ດຳເນີນການແຂ່ງຂັນມາເປັນເວລາ 8 ວັນ (5 – 13 ມັງກອນ 2024), ໂດຍການເປັນປະທານຂອງ ສະຫາຍ ພົນໂທ ຄຳລຽງ ອຸທະໄກສອນ ຮອງລັດຖະມົນຕີກະຊວງປ້ອງກັນປະເທດ ຫົວໜ້າກົມໃຫຍ່ເສນາທິການກອງທັບ, ມີຄະນະນຳກະຊວງ, ກົມໃຫຍ່, ຫ້ອງວ່າການກະຊວງ, ຄະນະພັກ-ຄະນະບັນຊາກົມກອງ, ຄູເຝິກ, ນັກກິລາ ຕະຫລອດຮອດ ນາຍ ແລະ ພົນທະຫານ, ເຂົ້າຮ່ວມ.

ການແຂ່ງຂັນກິລາການທະຫານ ແລະ ກິລາມວນຊົນ ຄັ້ງນີ້ , ໄດ້ສໍາເລັດລົງດ້ວຍບັນຍາກາດຄຶກຄື້ນມ່ວນຊື່ນ ແລະ ເປັນກິດຈະກຳຫນຶ່ງສະເຫລີມສະຫລອງວັນສ້າງຕັ້ງກອງທັບປະຊາຊົນລາວຄົບຮອບ 75 ປີ ( 20/1/1949 – 20/1/2024) ໃຫ້ມີບັນຍາກາດຟົດຟື້ນມ່ວນຊື່ນ ແລະ ມີຄວາມໝາຍສຳຄັນຢ່າງເລິກເຊິ່ງ.

ການແຂ່ງຂັນໃນນີ້ມີ 6 ເຂດ 38 ກົມກອງເຂົ້າຮ່ວມ, ເຊິ່ງຜົນການແຂ່ງຂັນ ປະເພດກິລາການທະຫານ-ນັກຮົບແຂງແຮງປະເພດບຸກຄົນ ຊະນະເລີດ ສະຫາຍ ວາທີ ຄຳຫຼ້າ ສາມະວົງ ຈາກກອງພັນໃຫຍ່ 11, ຮອງຊະນະເລີດສະຫາຍ ວາທີ ຄຳປິງ ເມກວັນທອງ ຈາກກອງພົນທີ 1 ແລະ ອັນດັບທີ 3 ສະຫາຍ ວາທີ ໄຊ ເທມະລາດ ຈາກກອງພົນທີ 4, ປະເພດກິລາການທະຫານສົມທົບປະເພດບຸກຄົນ ຊະນະເລີດ ສະຫາຍ ວາທີ ສົມຍົດ ໄຊຍະສອນ ຈາກກອງພັນໃຫຍ່ 941, ຮອງຊະນະເລີດ ສະຫາຍ ສິບເອກ ຊົວທໍ່ ຈື່ກາທໍ່ ຈາກກອງພັນ 941, ອັນດັບທີ 3 ສະຫາຍ ຮ້ອຍໂທ ລັດສະໝີ ບົວມະນີວັນ ຈາກກອງພັນໃຫຍ່ 661, ປະເພດກິລາການທະຫານແລ່ນມ້າງປະກອບອາວຸດ ປືນອາກາ 400 ແມັດ ປະເພດບຸກຄົນ ຊະນະເລີດ ສະຫາຍ ວາທີ ຫັດສະດົງ ຈາກກອງບັນຊາການທະຫານແຂວງອັດຕະປື, ຮອງຊະນະເລີດ ສະຫາຍຮ້ອຍຕີ ຍົກ ອິນທະສອນ ຈາກກົມໃຫຍ່ເສນາທິການກອງທັບແລະ ອັນດັບ 3 ສະຫາຍ ສິບເອກ ວຽງແພງ ຄຳພອນ ຈາກກອງພົນທີ 1, ປະເພດກິລາການທະຫານແລ່ນຜ່ານສິ່ງກີດຂວາງ 4X50 ແມັດ ປະເພດບຸກຄົນ ຊະນະເລີດ ສະຫາຍ ສິບເອກ ສີນ ສີບຸນທຳ ຈາກກອງບັນຊາການທະຫານແຂວງໄຊຍະບູລີ, ຮອງຊະນະເລີດ ສະຫາຍ ວາທີ ສີສຸລີນ ອິນທະວົງ ຈາກກອງພົນທີ 5 ແລະ ອັນດັບ 3 ສະຫາຍ ສິບເອກ ທິນນະວົງ ລັດຕະນະວັນໄທ ຈາກກອງບັນຊາການທະຫານແຂວງໄຊຍະບູລີ, ກິລາການທະຫານ ນັກຮົບແຂງແຮງປະເພດລວມໝູ່ ຊະນະເລີດ ກອງພົນທະທີ 4, ຮອງຊະນະເລີດ ກອງພົນທີ 1 ແລະ ອັນດັບ 3 ກອງພັນໃຫຍ່ 941, ປະເພດກິລາການທະຫານສົມທົບປະເພດລວມໝູ່ ຊະນະເລີດ ກອງພັນໃຫຍ່ 941, ຮອງຊະນະເລີດ ກອງບັນຊາການທະຫານແຂວງເຊກອງ ແລະ ອັບດັບ 3 ກອງບັນຊາການທະຫານແຂວງຫົວພັນ, ກິລາການທະຫານແລ່ນມ້າງປະກອບອາວຸດ ປືນອາກາ 400 ແມັດ ປະເພດລວມໝູ່ ຊະນະເລີດ ກົມໃຫຍ່ເສນາທິການ, ຮອງຊະນະເລີດ ກອງບັນຊາການທະຫານແຂວງອັດຕະປື ແລະ ອັນດັບ 3 ກອງພັນໃຫຍ່ 661, ກິລາການທະຫານແລ່ນຜ່ານສິ່ງກີດຂວາງປະເພດລວມໝູ່ ຊະນະເລີດ ກອງບັນຊາການທະຫານແຂວງໄຊຍະບູລີ, ຮອງຊະນະເລີດ ກອງພົນທີ 5 ແລະ ອັບດັບ 3 ກອງພັນໃຫຍ່ 661.

ສ່ວນກິລາມວນຊົນ ປະເພດ ກະຕໍ້ຫວາຍ ຊະນະເລີດ ກົມໃຫຍ່ເສນາທິການກອງທັບ, ຮອງຊະນະເລີດ ກົມໃຫຍ່ເຕັກນິກກອງທັບ, ອັບດັບ 3 ກົມໃຫຍ່ພະລາທິການກອງທັບ ແລະ ອັບດັບ 4 ກອງພົນທີ 5 , ກິລາເປຕັງ ຊະນະເລີດ ກອງບັນຊາການທະຫານແຂວງຫຼວງພະບາງ, ຮອງຊະນະເລີດ ກົມໃຫຍ່ພະລາທິການກອງທັບ, ອັນດັບ 3 ກອງບັນຊາການທະຫານແຂວງສາລະວັນ ແລະ ອັບດັບ 4 ກອງບັນຊາການທະຫານແຂວງອຸດົມໄຊ, ກິລາບານສົ່ງຊາຍ ຊະນະເລີດ ກົມໃຫຍ່ເສນາທິການກອງທັບ, ຮອງຊະນະເລີດ ກອງພົນທີ 4 , ອັບດັບ 3 ຫ້ອງວ່າການກະຊວງປ້ອງກັນປະເທດ ແລະ ອັບດັບ 4 ວິທະຍາຄານ ນາຍທະຫານບົກ ກົມມະດຳ, ກິລາບານສົ່ງຍິງ ຊະນະເລີດ ກົມໃຫຍ່ການເມືອງກອງທັບ, ຮອງຊະນະ ເລີດ ກົມວິທະຍາສາດ-ປະຫວັດສາດການທະຫານ, ອັບດັບ 3 ກົມໃຫຍ່ເສນາທິການກອງທັບ ແລະ ອັບດັບ 4 ກອງພັນໃຫຍ່ 702, ກິລາເຕະບານຊາຍ ຊະນະເລີດ ກອງພັນໃຫຍ່ລົດຕັງຍານເກາະ 661, ຮອງຊະນະເລີດ ກົມ 213, ອັບດັບ 3 ກອງບັນຊາການທະຫານແຂວງຈຳປາສັກ ແລະ ອັນດັບ 4 ກອງບັນຊາການທະຫານແຂວງໄຊສົມບູນ.

ໂດຍ: ບຸນຊູ ໄຊຍະເພັນ

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments