ຕາມຂ່າວຈາກ ວິທະຍຸ ສາກົນ ແຫ່ງ ສປ ຈີນ, ງານວາງສະແດງ ການຄ້າ ການລົງທຶນ ດ້ານການ ພັດທະນາ ແບບສີຂຽວໂລກ ຄັ້ງທີ 6 ໄດ້ຈັດຂຶ້ນ ເມື່ອບໍ່ດົນມານີ້ີ້ ຢູ່ນະຄອນ ໜານຊ່າງ ເທດສະ ບານ ແຂວງຈ່ຽງຊີ່ ຂອງ ສປ ຈີນ. ຂະນະທີ່ ເຕັກໂນໂລຊີໃໝ່ ແລະ ຜະລິດ ຕະພັນໃໝ່ ຫລາກຫລາຍ ຊະນິດ ໃນຂົງເຂດ ການພັດທະນາ ແບບສີຂຽວ ພ້ອມກັນ ປາກົດຕົວ ຢູ່ໃນງານວາງສະແດງ ດັ່ງກ່າວ ໂດຍໄດ້ສະແດງ ໃຫ້ເຫັນເຖິງ ທ່ວງທ່າ ການດຳລົງຊີວິດ ໃນອະນາຄົດ ແບບອັດສະລິຍະ ແລະ ກາກບອນຕ່ຳ. ງານວາງສະແດງ ດັ່ງກ່າວ ພາຍໃຕ້ຫົວຂໍ້: “ລົງເລິກ ການເປີດປະຕູ ສູ່ພາຍນອກ ແລະ ການຮ່ວມມື, ຊຸກຍູ້ ການພັດທະນາ ແບບສີຂຽວ”, ໂດຍເນື້ອທີ່ ວາງສະແດງ ລວມທັງໝົດ 25.000 ຕາແມັດ, ວິສາຫະກິດ ທີ່ມີຊື່ສຽງ ທັງພາຍໃນ ແລະ ຕ່າງປະເທດ 259 ແຫ່ງ ໄດ້ເຂົ້າ ຮ່ວມ ໂດຍວາງສະແດງ ເຕັກໂນໂລຊີໃໝ່ ແລະ ຜະລິດ ຕະພັນໃໝ່ຕ່າງໆ ທີ່ມາຈາກ ທົ່ວໂລກ.ໃນງານວາງດັ່ງກ່າວ ໄດ້ເຊັນສັນຍາ 60 ໂຄງການ ຄິດເປັນມູນຄ່າ ປະມານ 99,2 ຕື້ຢວນ. ໂດຍມີຜູ້ເຂົ້າຮ່ວມ ຫລາຍກວ່າ 1.000 ຄົນ ມາຈາກ 59 ປະ ເທດ ແລະ ເຂດແຄວ້ນ ໃນທົ່ວໂລກ ເພື່ອປຶກສາຫາລື ຫົວຂໍ້ ສະເພາະ ແລະ ກິດຈະກຳວາງສະແດງຕ່າງໆ ທີ່ກ່ຽວຂ້ອງ ຢ່າງເປັນ ຂະບວນຟົດຟື້ນ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
