ຕາມຂ່າວຈາກຈາກາຕາ ວັນທີ 6 ກັນຍານີ້ ບັນດາຜູ້ນຳຊາດສະມາຊິກປະຊາຊາດອາຊີຕາເວັນອອກສ່ຽງໃຕ້ ຫລື (ອາຊຽນ) ເນັ້ນໃສ່ ຄວາມມານະ ພະຍາຍາມ ສ້າງສັນຕິພາບ ໃນມຽນມາ ໂດຍເລີ່ມຕົ້ນຈາກ ຮຽກຮ້ອງ ໃຫ້ລັດຖະບານ ມຽນມາ ຢຸດການໂຈມຕີ ພົນລະເຮືອນ ໃນທຸກຮູບແບບ ໂດຍສະເພາະ ຫລຸດການໃຊ້ຄວາມຮຸນແຮງ ແລະ ຢຸດໂຈມຕີ ເປົ້າໝາຍ ທີ່ເປັນພົນລະເຮືອນ ແລະ ສະຖານທີ່ ສາທາລະນະເຊັ່ນ: ໂຮງຮຽນ,ໂຮງໝໍ ແລະ ຕະຫລາດ ເປັນຕົ້ນ.ຂະນະທີ່ ລັດຖະບານ ມຽນມາ ໄດ້ອອກມາ ຮຽກຮ້ອງ ໃຫ້ອາຊຽນ ຍຶດໝັ້ນ ບັນດາ ຂໍ້ກຳນົດ ແລະ ຫລັກການ ພື້ນຖານ ຂອງກົດ ບັດອາຊຽນ ຢ່າງເຂັ້ມງວດ. ພິເສດ ແມ່ນເລື່ອງບໍ່ແຊກແຊງ ເຂົ້າວຽກງານ ພາຍໃນ ຂອງບັນດາ ປະເທດສະມາຊິກ ອາຊຽນ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
