ຂ່າວສານຊີອາໄອລາຍງານ ເມື່ອຕົ້ນອາທິດຜ່ານມາ, ສູນຂໍ້ມູນອິນເຕີເນັດຈີນໄດ້ປະກາດ “ບົດລາຍງານສະຖິຕິກ່ຽວກັບສະພາບການພັດທະນາອິນເຕີເນັດຂອງຈີນ” ຄັ້ງທີ 52 ໂດຍສະແດງໃຫ້ເຫັນວ່າ: ນັບມາຮອດເດືອນມິຖຸນາ ປີ 2023, ຄົນຈີນທີ່ເຂົ້າເຖິງອິນເຕີເນັດໄດ້ບັນລຸເຖິງ 1,79 ຕື້ລ້ານຄົນ ເພີ່ມຂຶ້ນ 11,09 ລ້ານຄົນ ເມື່ອທຽບໃສ່ເດືອນທັນວາປີ 2022, ອັດຕາການໃຊ້ອິນເຕີເນັດແມ່ນສູງເຖິງ 76,4%. ນອກຈາກນີ້, ບົດລາຍງານສະບັບດັ່ງກ່າວຍັງໄດ້ສະແດງໃຫ້ເຫັນວ່າ: ໃນ 6 ເດືອນຕົ້ນປີ 2023, ຊັອບແວອິນເຕີເນັດປະເພດຕ່າງໆຂອງຈີນໄດ້ພັດທະນາໄປຢ່າງຕໍ່ເນື່ອງ, ຈຳນວນຜູ້ໃຊ້ຊັອບແວຫຼາຍປະເພດໄດ້ເພີ່ມຂຶ້ນ. ນັບມາຮອດເດືອນມິຖຸນາປີນີ້, ຈຳນວນຜູ້ໃຊ້ຊັອບແວປະເພດການສື່ສານທັນເວລາ, ວິດີໂອຜ່ານອິນເຕີເນັດ ແລະ ວິດີໂອສັ້ນຕ່າງໆ ບັນລຸເຖິງ 1,47 ຕື້ລ້ານຄົນ, 1,44 ຕື້ລ້ານຄົນ ແລະ 1,26 ຕື້ລ້ານຄົນ ຕາມລຳດັບ ແລະ ອັດຕາການນຳໃຊ້ສູງເຖິງ 97,1%, 96,8% ແລະ 95,2% ຕາມລຳດັບ, ຈຳນວນຜູ້ໃຊ້ຊັອບແວປະເພດຈອງລົດທາງອອນລາຍ, ຈອງການບໍລິການທ່ອງທ່ຽວທາງອອນລາຍ ແລະ ວັນນະຄະດີອິນເຕີເນັດ ເພີ່ມຂຶ້ນ 8,0%, 7,3% ແລະ 7,3% ຕາມລຳດັບເມື່ອທຽບໃສ່ເດືອນທັນວາປີ 2022 ຜ່ານມາ ໂດຍກາຍເປັນຊັອບແວ 3 ປະເພດທີ່ມີຈຳນວນຜູ້ໃຊ້ເພີ່ມຂຶ້ນໄວທີ່ສຸດ.
