ຂ່າວຕ່າງປະເທດລາຍງານ ໃນວັນທີ 29 ສິງຫາ ຜ່ານມາ, ທ່ານ ຮຸນ ມາເນັດ ນາຍົກລັດຖະມົນຕີກຳປູເຈຍກ່າວວ່າ: ລັດຖະບານກຳປູເຈຍກຳລັງເດີນໜ້າສ້າງວຽກເຮັດງານທຳເພີ່ມ ແລະ ປັບຂຶ້ນຄ່າແຮງງານຂັ້ນຕ່ຳລາຍເດືອນສຳລັບອຸດສາຫະກຳເຄື່ອງນຸ່ງຫົ່ມ, ເກີບ ແລະ ສິນຄ້າເພື່ອການເດີນທາງ ລວມເຖິງບັນເທົາຄວາມທຸກຍາກ. ທ່ານ ຮຸນ ມາເນັດ ກ່າວວ່າ: ລັດຖະບານຈະເດີນໜ້າຮັກສາສັນຕິພາບ ແລະ ສະຖຽນລະພາບ ປົກປ້ອງອະທິປະໄຕ ຕະຫຼອດຈົນຮອດສົ່ງເສີມການພັດທະນາທາງດ້ານເສດຖະກິດ ແລະ ສັງຄົມສຳລັບປະຊາຊົນຕໍ່ໄປ.
