ສະພາບນໍ້າເຊືອງ ບໍລິເວນຕອນເໜຶອ ເຂດບ້ານເມືອງໝ້ວຍ ເມືອງວຽງຄໍາ ແຂວງຫຼວງພະບາງ ປັດຈຸບັນປະລິມານນໍ້າເຊືອງກຳລັງເພີ່ມຂຶ້ນ ເຮັດໃຫ້ນໍ້າຖ້ວມໄຮ່ນາຕາກ້າ ຂອງປະຊາຊົນຈໍານວນໜຶ່ງ ຢູ່ບໍລິເວນດັ່ງກ່າວ ສ່ວນຜົນເສຍຫາຍຍັງບໍຮູ້ລາຍລະອຽດ; ເຕືອນປະຊາຊົນທີ່ດຳລົງຊີວິດຕາມລ້ອງນໍ້າເຊືອງ ຈົ່ງມີສະຕິ, ຕິດຕາມເຝົ້າລະວັງ, ເກັບມ້ຽນເຄື່ອງຂອງທີ່ມີຄ່າໄວ້ທີ່ປອດໄພ.
ສະພາບ ເສັ້ນທາງເລກທີ 2508 ລະຫວ່າງ ບ້ານ ພູຕິດເຜີ້ງ ເມືອງງອຍ-ເມືອງໂພນທອງ ແຂວງຫລວງພະບາງ ແລະ ຊາຍແດນ ລາວ-ຫວຽດນາມ ໃນວັນທີ 6 ສິງຫາ 2023 ມີບາງບ່ອນເສັ້ນທາງຍຸບ ແລະມີດິນເຈື່ອນ ຖົມທາງ,
ແຈ້ງໃຫ້ຜູ້ທີ່ມີຈຸດປະສົງຈະເດີນທາງມາເສັ້ນທາງນີ້ຕ້ອງໃຫ້ມີສະຕິແລະລະມັດລະວັງ.
(ຂ່າວ: ບຸນທັນ ໄຊຍະວົງ ຖວທ ເມືອງວຽງຄໍາ)
