ຂ່າວສານຊີອາໄອລາຍງານ ເມື່ອບໍ່ດົນມານີ້, ກອງປະຊຸມລັດຖະມົນຕີການຕ່າງປະເທດອາຊຽນຄັ້ງທີ 56 ແລະ ກອງປະຊຸມຕ່າງໆໄດ້ເປີດຂຶ້ນຢູ່ນະຄອນຫຼວງຈາກາຕາ ຂອງອິນໂດເນເຊຍ. ບັນດາປະເທດທີ່ເຂົ້າຮ່ວມກອງປະຊຸມຢືນຢັນວ່າຈະຮ່ວມກັນຊຸກຍູ້ການເຊື່ອມໂຍງເຂົ້າເປັນອັນໜຶ່ງອັນດຽວກັນດ້ານເສດຖະກິດຂອງພາກພື້ນ, ຢ້ຳຄືນເຖິງຄວາມຕັດສິນໃຈໃນການປົກປັກຮັກສາສັນຕິພາບ ແລະ ສະຖຽນລະພາບຂອງພາກພື້ນ, ເນັ້ນໜັກວ່າຕ້ອງຮັກສາຄວາມສາມັກຄີ ແລະ ຄວາມເປັນແກນກາງຂອງອາຊຽນ, ບໍ່ກາຍເປັນຕົວແທນຂອງປະເທດໃດໆ.
ເຈົ້າໜ້າທີ່ ແລະ ນັກວິຊາການຂອງອາຊຽນເຫັນວ່າ: ອາຊຽນຢຶດໝັ້ນນ້ຳໃຈເອກະລາດ ແລະ ເປັນເຈົ້າຕົນເອງ, ເປີດປະຕູສູ່ພາຍນອກ ແລະ ມີຄວາມໂອບເອື້ອອາລີ, ສຸມໃສ່ດ້ານເສດຖະກິດ, ເອົາໃຈໃສ່ການຮ່ວມມື. ໂດຍສະເພາະແມ່ນຈີນ ແລະ ອາຊຽນເປັນຄູ່ການຄ້າໃຫຍ່ທີ່ສຸດຂອງກັນ ແລະ ກັນ, ຄວນເພີ່ມທະວີການຮ່ວມມືຕື່ມອີກ, ຫວັງວ່າການພົວພັນຄູ່ຮ່ວມຍຸດທະສາດຮອບດ້ານລະຫວ່າງສອງຝ່າຍຈະໄດ້ຮັບຄວາມຄືບໜ້າໃໝ່ຢ່າງບໍ່ຢຸດຢັ້ງ.
