ສຳນັກຂ່າວ ຊິນຮວາ ຂອງ ສປຈີນ ລາຍງານວ່າ: ສະມາຄົມ ຜູ້ຜະລິດ ຍານພາຫະນະ ແຫ່ງປະເທດ ຈີນ ເປີດເຜີຍວາ: ຍອດການສົ່ງອອກ ລົດໃຫຍ່ ຂອງ ຈີນ ໃນໄລຍະ ເດືອນມັງກອນ-ເດືອນມິຖຸນາ ຂອງ ປີ 2023 ຈຳນວນ 2.14 ລ້ານຄັນ, ເພີ່ມຂຶ້ນ 75,7% ເມື່ອທຽບປີຕໍ່ປີ. ໃນນັ້ນ ລົດພະລັງງານໃໝ່ ລວມມີ 534.000 ຄັນ, ເພີ່ມຂຶ້ນ 160% ເມື່ອທຽບໃສ່ໄລຍະດຽວກັນຂອງປີ ກາຍ.
ນອກນັ້ນ, ການສົ່ງອອກ ລົດໂດຍສານ ຂອງ ຈີນ ຈຳນວນ 1,78 ລ້ານຄັນ, ເພີ່ມຂຶ້ນ 88,4% ເມື່ອທຽບໃສ່ໄລຍະດຽວກັນ. ສ່ວນການສົ່ງອອກ ລົດໃຫຍ່ ເພື່ອການຄ້າ ຈຳນວນ 361.000 ຄັນ ເພີ່ມຂຶ້ນ 31,9% ໂດຍສະເພາະ ເດືອນມິຖຸນາ ລວມມີ 382.000 ຄັນ, ເພີ່ມຂຶ້ນ 53,2% ເມື່ອທຽບໃສ່ໄລຍະດຽວກັນ ຂອງ ປີ 2022.
