ສຳນັກຂ່າວ ຊິນຮວາ ຂອງ ສປຈີນ, ເມື່ອບໍ່ດົນມານີ້, ກະຊວງ ການຄ້າ ຂອງ ກຳປູເຈຍ ເປີດເຜີຍວ່າ: ກຳປູເຈຍ ສົ່ງອອກ ລົດຖີບ ໄປຍັງ ຕະຫລາດ ຕ່າງປະເທດ ໃນໄລຍະ 6 ເດືອນຕົ້ນປີນີ້ ກວມເອົາ ມູນຄ່າ 331 ລ້ານໂດລາ ສະຫະລັດ, ຫລຸດລົງ 30,5% ເມື່ອທຽບປີຕໍ່ປີ.
ທ່ານ ເພັນໂສວິຊິດ ຫົວໜ້າກົມ ແລະ ໂຄສົກ ກະຊວງດັ່ງກ່າວ ລະບຸວ່າ: ລົດຖີບ ທີ່ ຜະລິດຢູ່ໃນກຳປູເຈຍ ໄດ້ຖືກສົ່ງອອກ ໄປຍັງ ຫລາຍປະເທດ ແລະ ພາກພື້ນເຊັ່ນ: ສະຫະພາບ ເອີຣົບ, ສ.ອາເມລິກາ, ອັງກິດ, ການາດາ, ຍີ່ປຸ່ນ ແລະ ຈີນ. ໂດຍ ລົດຖີບ ກາຍເປັນ ໜຶ່ງໃນຜະລິດຕະພັນ ອຸດສາຫະກຳຫລັກ ເພື່ອສົ່ງອອກ ຂອງ ກຳປູເຈຍ ຖັດຈາກ ເສື້ອຜ້າ, ເກີບ ແລະ ສິນຄ້າ ເພື່ອການເດີນທາງ. ປັດຈຸບັນ ກຳປູເຈຍ ມີໂຮງງານ ລົດຖີບ ຈຳນວນ 5 ແຫ່ງ ຊຶ່ງຕັ້ງຢູ່ໃນ ເຂດເສດຖະກິດ ພິເສດ ໃນເມືອງ ບາເວດ ແຂວງສວາຍຣຽງ ທີ່ມີ ຊາຍແດນ ຕິດກັບ ຫວຽດນາມ.
