ສຳນັກຂ່າວ ຊິນຮວາ ຂອງ ສປຈີນ, ເມື່ອບໍ່ດົນມານີ້, ເຈົ້າໜ້າທີ່ຈີນ ລາຍງານວ່າ ສະຖານີໄຟຟ້າ ພະລັງງານນໍ້າ ສາມຜາ ຊຶ່ງຕັ້ງ ຢູ່ກາງແມ່ນໍ້າ ແຍງຊີຂອງ ຈີນ ໄດ້ຜະລິດກະແສໄຟຟ້າ ຫລາຍກວ່າ 1,6 ພັນຕື້ ກິໂລວັດຕໍ່ຊົ່ວໂມງ ໃນໄລຍະ 20 ປີຜ່ານມາ. ນັບຕັ້ງແຕ່ ມີການ ເປີດນຳໃຊ້ ໜ່ວຍຜະລິດ ທຳອິດ ເພື່ອຜະລິດ ໄຟຟ້າ ໃນເດືອນກໍລະກົດ ປີ 2003. ພະລັງງານ ສະອາດ ທີ່ ຜະລິດ ໃນສະຖານີແຫ່ງນີ້ ຄາດວ່າ ຈະທຽບເທົ່າກັບ ການຜະລິດ ໄຟຟ້າ ຈາກ ຖ່ານຫີນ ທີ່ມີ ມາດຕະຖານ ຫລາຍກວ່າ 480 ລ້ານໂຕນ ແລະ ຫລຸດຜ່ອນ ການປ່ອຍແກັສ ກາກບອນ ດີອົກຊິດ 1,32 ຕື້ໂຕນ, ຊຶ່ງມີບົດບາດ ໃນການ ຊ່ວຍໃຫ້ຈີນ ສ້າງລະບົບ ພະລັງງານ ທີ່ ສະອາດ ກາກບອນຕໍ່າ ປອດໄພ ແລະ ມີປະສິດທິພາບ.
