ວິທະຍຸກະຈາຍສຽງຫວຽດນາມລາຍງານວ່າ: ຈາກທ່າໄດ້ປຽບ, ບົດຮຽນທີ່ບັນລຸຜົນສຳເລັດໃນວິວັດການຫັນເປັນດີຈີຕອນ, ຄວນມີການກະກຽມດ້ານຂັ້ນຕອນ, ການວາງແຜນຂອງລັດໃນການເລືອກເຟັ້ນຂົງເຂດບຸລິມະສິດໃນການເຊື່ອມໂຍງເສດຖະກິດສາກົນ ເພື່ອສ້າງພື້ນຖານເສດຖະກິດສີຂຽວ, ປົກປັກຮັກສາທຳມະຊາດ. ນີ້ແມ່ນຄຳຮຽກຮ້ອງຂອງ ທ່ານ ເຈິ່ນຮົ່ງຮ່າ ຮອງນາຍົກລັດຖະມົນຕີ ຫວຽດນາມ ໃນກອງປະຊຸມຂອງຄະນະຊີ້ນຳລະຫວ່າງຂະແໜງການກ່ຽວກັບການເຊື່ອມໂຍງເສດຖະກິດສາກົນ, ຈັດຂຶ້ນເມື່ອບໍ່ດົນມານີ້ ທີ່ສຳນັກງານລັດຖະບານ ຫວຽດນາມ.
ທ່ານ ເຈິ່ນຮົ່ງຮ່າ ເນັ້ນໜັກວ່າ: ວຽກງານການເຊື່ອມໂຍງຄວນກຳນົດບັນດາການສຳຜັດທີ່ເໝາະສົມ, ຫັນບັນດາສິ່ງທ້າທາຍກາຍເປັນທ່າໄດ້ປຽບ, ໂອກາດແຫ່ງການພັດທະນາ. ລັດຄວນເຮັດບົດບາດຫຼັກແຫຼ່ງໃນວິວັດການເຊື່ອມໂຍງເຂົ້າກັບເສດຖະກິດສາກົນ ສົມທົບກັບການປະຕິບັດບັນດາເປົ້າໝາຍທົ່ວໂລກ; ຫັນເປັນລະບົບ, ລະບຽບການສ້າງສະພາບແວດລ້ອມນິຕິກຳ, ນະໂຍບາຍ, ມາດຖານ, ຂໍ້ກຳນົດກ່ຽວກັບມາດຖານ, ຍົກສູງສະຕິຄວາມຮັບຮູ້ຂອງວິສາຫະກິດ, ປະຊາຊົນເທົ່າທຽມກັບບັນດາຄູ່ຮ່ວມມືສາກົນ; ເລືອກເຟັ້ນບັນດາເຄື່ອງໝາຍແຫ່ງຊາດເພື່ອສ້າງເປັນເຄື່ອງໝາຍສາກົນ.
