ຂ່າວຕ່າງປະເທດລາຍງານ ເມື່ອບໍ່ດົນມານີ້, ບໍລິສັດ ຊາອູດິດ ອາຣາມໂຄ ຊຶ່ງເປັນບໍລິສັດນ້ຳມັນຂອງລັດຖະບານຊາອູດິດ ອາຣັບບີ ໄດ້ເປີດເຜີຍບົດລາຍງານໂດຍລະບຸວ່າ: ຊາອູດິດ ອາຣັບບີ ຈະຈັດສົ່ງນ້ຳມັນດິບໃຫ້ຕາມປະລິມານທີ່ລູກຄ້າຕ້ອງການໃນເດືອນສິງຫານີ້ ທັງນີ້, ຊາອູດິດ ອາຣັບບີ ຊຶ່ງເປັນຜູ້ສົ່ງອອກນໍ້າມັນລາຍໃຫຍ່ທີ່ສຸດຂອງໂລກລະບຸໃນອາທິດຜ່ານມາວ່າ: ຈະເພີ່ມເວລາການຫຼຸດກຳລັງການຜະລິດ 1 ລ້ານບາເຣນຕໍ່ວັນໄປອີກ 1 ເດືອນ ຈົນເຖິງເດືອນສິງຫາ ແລະ ປັບຂຶ້ນລາຄານ້ຳມັນດິບເກືອບທຸກປະເພດທີ່ສົ່ງໃຫ້ກັບລູກຄ້າໃນອາຊີຕິດຕໍ່ກັນເປັນເດືອນທີ 2.
