ຕາມຂ່າວຈາກວິທະຍຸສາກົນຫວຽດນາມ, ສສ ຫວຽດນາມ ຈະຈັດກອງປະຊຸມ ຄັ້ງທີ 8 ກຸ່ມປະຕິບັດງານອາຊຽນ ກ່ຽວກັບ ທາດເຄມີ ແລະ ສິ່ງເສດເຫລືອ (AWGCW-8) ນັບແຕ່ ວັນທີ 5–7 ກໍລະກົດນີ້ ຢູ່ນະຄອນຫລວງຮ່າໂນ້ຍ ເພື່ອປຶກສາຫາລື ກ່ຽວກັບ 4 ເນື້ອໃນສຳຄັນ ເປັນຕົ້ນ: ການເພີ່ມທະວີຂີດຄວາມສາມາດ ແລະ ແລກປ່ຽນຂໍ້ມູນຂ່າວສານ ກ່ຽວກັບເຕັກໂນໂລຊີ, ການປະຕິບັດທີ່ດີທີ່ສຸດ; ຜັນຂະຫຍາຍບັນດາເນື້ອໃນຂອງຖະແຫລງການຮ່ວມຂອງອາຊຽນ ກ່ຽວກັບທາດເຄມີ ແລະ ສິ່ງເສດເຫລືອ; ຟື້ນຟູບັນດາເຂດຖືກມົນລະພິດຍ້ອນທາດເຄມີ ແລະ ສິ່ງເສດເຫລືອທີ່ເປັນອັນຕະລາຍ; ອັບເດດໝາກຜົນທີ່ກ່ຽວຂ້ອງເຖິງສົນທິສັນຍາ Stockholm ກ່ຽວກັບບັນດາທາດກໍ່ມົນລະພິດອົງຄະທາດທີ່ລະລາຍຍາກ (POPs) ຢູ່ກອງປະຊຸມ ບັນດາຝ່າຍເຂົ້າຮ່ວມບັນດາສົນທິສັນຍາ Basel, Rotterdam ແລະ Stockholm ປີ 2022, 2023. ໝາກຜົນຂອງກອງປະຊຸມຄັ້ງນີ້ ຈະປະກອບສ່ວນເຂົ້າໃນການສ້າງພາກພື້ນອາຊຽນສີຂຽວ ແລະ ຍືນຍົງຫລາຍຂຶ້ນ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
