ສຳນັກຂ່າວຢອນຮັບ ວັນທີ 28 ມິຖຸນານີ້ ສຳນັກງານສະຖິຕິແຫ່ງຊາດ ສ.ເກົາຫລີ ລະບຸວ່າ: ໃນເດືອນເມສາ ມີເດັກເກີດໃໝ່ ພຽງ 18.484 ຄົນ ຫລຸດລົງ 12,7% ເມື່ອທຽບໃສ່ໄລຍະດຽວກັນປີກາຍນີ້ ແລະ ເປັນຕົວເລກຕ່ຳສຸດ ນັບແຕ່ປີ1981 ຖືວ່າ ຍອດເດັກເກີດໃໝ່ຫລຸດລົງເປັນເດືອນທີ 89 ຕິດຕໍ່ກັນເນື່ອງຈາກຄົນໜຸ່ມສາວເລື່ອນໄລຍະເວລາການສ້າງຄອບຄົວໃໝ່ ຍ້ອນລາຄາສະຖານທີ່ຢູ່ອາໄສເພີ່ມສູງຂຶ້ນຢ່າງຕໍ່ເນື່ອງ ແລະ ຄວາມບໍ່ແນນອນທາງເສດຖະກິດ, ອັດຕາການຈະເລີນພັນ ຫລື ຄວາມສາມາດຂອງແມ່ຍິງສາມາດມີລູກໄດ້ຢູ່ລະດັບ 0,81% ໃນໄລຍະໄຕມາດທຳອິດຂອງປີນີ້ຕ່ຳກວ່າລະດັບ 2,1% ທີ່ຈະເປັນລະດັບທີ່ເຮັດໃຫ້ ສ.ເກົາຫລີ ມີພົນລະເມືອງຄົງທີ 51 ລ້ານຄົນ ຈຳນວນຜູ້ເສຍຊີວິດ ໃນເດືອນເມສາ 27.581 ຄົນ ຫລຸດລົງ 24,8% ຈາກປີກາຍນີ້ ໂດຍອັດຕາການເສຍຊີວິດຈະຫລາຍກວ່າອັດຕາການເກີດ ຊຶ່ງເປັນເກີດຂຶ້ນຕໍ່ເນື່ອງເປັນເດືອນທີ 42 ຕິດຕໍ່ກັນ. ຂະນະທີ່ຈຳນວນຜູ້ແຕ່ງດອງຫລຸດລົງ 8,4% ຈາກປີກາຍນີ້ 14.475 ຄູ່ຕ່ຳສຸດເປັນປະຫວັດສາດ. ຂະນະທີ່ ການຢ່າຮ້າງເພີ່ມຂຶ້ນ 1,3% ກວມເອົາ 7.288 ຄູ່ ໃນໄລຍະດຽວກັນ.
ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
