ຕາມຂໍ້ມູນຈາກ KidsRights ວັນທີ 26 ມິຖຸນານີ້ ກຸ່ມສິດທິມະນຸດກ່າວເຕືອນວ່າ: ສົງຄາມລະຫວ່າງຣັດເຊຍ ແລະ ອູແກຣນ ແກ່ຍາວມາຫລາຍກວ່າ 1 ປີ ຈະເຮັດໃຫ້ເດັກນ້ອຍທົ່ວໂລກປະມານ 1 ໃນ 4 ຕ້ອງມີຊີວິດຕ່ຳກວ່າເສັ້ນຄວາມທຸກຍາກພາຍໃນປີນີ້ອັນເປັນຜົນມາຈາກລາຄາສະບຽງອາຫານ ແລະ ພະລັງງານທີ່ປັບຕົວສູງຂຶ້ນເພາະສົງຄາມດັ່ງກ່າວ ໂດຍມີເດັກຊາວອູແກຣນ ປະມານ 7,5 ລ້ານຄົນ ເປັນກຸ່ມທີ່ໄດ້ຮັບຜົນກະທົບຢ່າງໜັກທີ່ສຸດ.
ນອກນີ້ອັດຕາເງິນເຟີ້ ແລະ ເຄັ່ງຕືງດ້ານສາທາລະນະສຸກ ພາຍຫລັງໂຄວິດ-19 ກໍສົ່ງຜົນກະທົບທາງລົບເຊັ່ນດຽວກັນ ເດັກ 67 ລ້ານຄົນທົ່ວໂລກບໍ່ໄດ້ຮັບການສັກວັກຊິນປ້ອງກັນພະຍາດປົກກະຕິ ໃນປີ 2019-2021 ເພາະໂຄວິດ-19 ລະບາດຢ່າງໜັກ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
