ສຳນັກຂ່າວ Kyodo News ວັນທີ26 ມິຖຸນານີ້ ຍີ່ປຸ່ນ ອາດເຂົ້າສູ່ ການແພ່ລະບາດໂຄວິດ-19 ຮອບທີ 9 ແລ້ວ. ດັ່ງນັ້ນ ຈຶ່ງຈຳເປັນຕ້ອງປົກປ້ອງຜູ້ສູງອາຍຸເພາະເປັນກຸ່ມທີ່ສ່ຽງຕິດເຊື້ອສູງ. ຂະນະນີ້ ທ່ານ ຟຸມຸໂອະ ຄິຊິດະ, ນາຍົກລັດຖະມົນຕີຍີ່ປຸ່ນ ໄດ້ຈັດກອງປະຊຸມພິເສດເພື່ອປືກສາຫາລືກຳນົດມາດຕະການຮັບມືຢ່າງຮີບດ່ວນ. ສຳລັບການແພ່ລະບາດໃນຮອບທີ 8 ເກີດຂຶ້ນ ລະຫວ່າງເດືອນພະຈິກ 2022 ເຖິງທ້າຍເດືອນມັງກອນ ປີ 2023 ມີຍອດຜູ້ຕິດເຊື້ອລາຍວັນເຄີຍສູງເຖິງວັນລະຫລາຍກວ່າ 246.000 ຄົນ. ແຕ່ຢ່າງໃດກໍ່ຕາມຍີ່ປຸ່ນປະກາດປັບຫລຸດສະຖານະການແພ່ລະບາດໂຄວິດ-19 ລົງເປັນລະດັບດຽວກັບ ໄຂ້ຫວັດໃຫຍ່ຕາມລະດູການໃນເດືອນພືດສະພາຜ່ານມາ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
