ຂ່າວສານຊີອາໄອລາຍງານ ເມື່ອທ້າຍອາທິດຜ່ານມາ, ອົງການວິທະຍາສາດໂລກມີຄວາມເຫັນໂດຍທົ່ວໄປວ່າ: ການປ່ອຍອາຍພິດເຮືອນແກ້ວເຊັ່ນ ກາກບອນດີອອກສິດ ແລະ ອື່ນໆ ມີການພົວພັນຢ່າງໃກ້ຊິດກັບການປ່ຽນແປງຂອງດິນຟ້າອາກາດທົ່ວໂລກ. ຜົນການຄົ້ນຄວ້າສາກົນສະບັບຫຼ້າສຸດສະແດງໃຫ້ເຫັນວ່າ ແຫຼ່ງການປ່ອຍກາກບອນດີອອກສິດເກີນປະລິມານນັ້ນ ມີປະມານ 90% ແມ່ນຢູ່ອາເມຣິກາ ແລະ ປະເທດພັດທະນາອື່ນໆ. ນັກຄົ້ນຄວ້າຊີ້ໃຫ້ເຫັນວ່າ ປະເທດພັດທະນາເຫຼົ່ານີ້ຄວນຈ່າຍຄ່າຕອບແທນທັງ ໝົດ 170.000 ຕື້ໂດລາ ໃຫ້ປະເທດທີ່ປ່ອຍກາກບອນຕ່ຳ ເພື່ອຮັບປະກັນໃຫ້ເປົ້າໝາຍການຮັບມືກັບການປ່ຽນແປງຂອງດິນຟ້າອາກາດສາມາດບັນລຸຜົນເປັນຈິງໄດ້. ຜົນການຄົ້ນຄວ້າສະບັບດັ່ງກ່າວໄດ້ລົງວາລະສານທຳມະຊາດການພັດທະນາແບບຍືນຍົງຂອງອັງກິດ ຊຶ່ງດຳເນີນໂດຍມະຫາວິທະຍາໄລລີສອັງກິດ ແລະ ອື່ນໆ.
