ໄລຍະກາງສະໄໝ ຜ່ານມາ ລວມຍອດຜະລິດຕະພັນພາຍໃນ (GDP) ຂະຫຍາຍຕົວສະເລ່ຍ 4,2% ຕໍ່ປີ, ເທົ່າກັບ 70% ຂອງແຜນການ, ໃນຂະນະດຽວກັນການເກັບລາຍຮັບເຂົ້າງົບປະມານບັນລຸ 690,41 ຕື້ກີບ, ສະເລ່ຍໄດ້ 276,16 ຕື້ກີບ/ປີ, ເທົ່າກັບ 73,41% ຂອງແຜນການ ແລະ ການນໍາເຂົ້າ-ສົ່ງອອກສິນຄ້າປະຕິບັດໄດ້ 55,43 ລ້ານໂດລາ, ສະເລ່ຍ 22,17 ລ້ານໂດລາ/ປີ, ເທົ່າກັບ 22,65% ຂອງແຜນການ.
ທ່ານ ດາວເຮືອງ ນັນທາວົງ ຄະນະປະຈຳພັກແຂວງ ຮອງເຈົ້າແຂວງວຽງຈັນ ໄດ້ລາຍງານການສະຫຼຸບຕີລາຄາການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມກາງສະໄໝ ຂອງແຂວງວຽງຈັນ ໃຫ້ຮູ້ວ່າ: ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ສອງປີເຄິ່ງ (2021-2023) ຜ່ານມາ ໄດ້ພົບຫຼາຍບັນຫາຫຍຸ້ງຍາກ ຈາກສະພາບແວດລ້ອມທັງພາຍໃນ ແລະ ພາຍນອກ, ຜົນກະທົບຈາກການແຜ່ລະບາດຂອງພະຍາດໂຄວິດ-19 ຮອບໃໝ່ທີ່ແກ່ຍາວ, ອັດຕາເງິນເຟີສູງ, ລາຄານ້ຳມັນເຊື້ອໄຟຜັນຜວນ (ບໍ່ສະຖຽນ), ລາຄາສິນຄ້າອຸປະໂພກ-ບໍລິໂພກ ເພີ່ມຂຶ້ນ ເທົ່າໂຕ ຊຶ່ງໄດ້ສົ່ງຜົນກະທົບທັງທາງກົງ ແລະ ທາງອ້ອມ ຕໍ່ການພັດທະນາເສດຖະກິດ-ສັງຄົມ ແລະ ການຄຸ້ມຄອງບໍລິຫານລັດພາໃຫ້ບໍ່ສາມາດບັນລຸໄດ້ບາງຄາດໝາຍ, ແຕ່ຍ້ອນຄວາມເປັນເອກະພາບໃນທົ່ວແຂວງໄດ້ສູ້ຊົນຜ່ານຜ່າອຸປະສັກຕ່າງໆໄດ້ເຮັດໃຫ້ສາມາດບັນລຸຜົນສໍາເລັດຈໍານວນໜຶ່ງ.
ເປັນຕົ້ນການເຕີບໂຕດ້ານເສດຖະກິດ, ທ່າອ່ຽງ ແລະ ທ່າແຮງບົ່ມຊ້ອນຕ່າງໆຂອງແຂວງ ເຮັດໃຫ້ລວມຍອດຜະລິດຕະພັນພາຍໃນ (GDP) ປີ 2021-2022 ຂະຫຍາຍຕົວສະເລ່ຍ 4,2% ຕໍ່ປີ, ເທົ່າກັບ 70% ຂອງແຜນການ (ມະຕິສະພາ 6%) ແລະ 6 ເດືອນຕົ້ນປີ 2023 ຂະຫຍາຍຕົວ 2,8%, ມີມູນຄ່າເພີ່ມໃນປີປັດຈຸບັນ 2 ປີ 6 ເດືອນໄດ້ 5.857 ຕື້ກີບເທົ່າກັບ 49,87% ຂອງແຜນການ (ແຜນຮອດປີ 2025 ເທົ່າກັບ 11.743 ຕື້ກີບ) ແລະ ລາຍຮັບສະເລ່ຍຕໍ່ຫົວຄົນໄດ້ 12,163 ລ້ານກີບ/ຄົນ/ປີ ຫຼື ເທົ່າກັບ 785 ໂດລາ/ຄົນ/ປີ, ເທົ່າກັບ 29,47% ຂອງແຜນການ (ແຜນຮອດປີ 2025 ໃຫ້ໄດ້ 2.663 ໂດລາ) ທຽບໃສ່ພົນລະເມືອງ 481.550 ຄົນ, ຕາມອັດຕາເພີ່ມ 1,3% ຂອງປະຊາກອນ.
ໃນຂະນະທີ່ ການເກັບລາຍຮັບເຂົ້າງົບປະມານທັງໝົດ 690.41 ຕື້ກີບ, ສະເລ່ຍໄດ້ 276,16 ຕື້ກີບ/ປີ, ເທົ່າກັບ 73,41% ຂອງແຜນການ (ແຜນ 940,44 ຕື້ກີບ ທີ່ບໍ່ລວມລາຍຮັບພູດສູນກາງ) ແລະ ການນໍາເຂົ້າ-ສົ່ງອອກສິນຄ້າປະຕິບັດໄດ້ 55,43 ລ້ານໂດລາ, ສະເລ່ຍ 22,17 ລ້ານໂດລາ/ປີ, ເທົ່າ ກັບ 22,65% ຂອງແຜນການ (ແຜນ 244,71 ລ້ານໂດລາ), ການລະດົມທຶນທົ່ວແຂວງໄດ້ທັງໝົດ 3.926,80 ຕື້ກີບ ເທົ່າກັບ 39,64% ຂອງແຜນການ (ແຜນການ 9.905 ຕື້ກີບ) ລື່ນແຜນການ 6,56%. ຊຶ່ງການລົງທຶນລັດເຂົ້າໂຄງການທັງໝົດ 1.084 ໂຄງການ, ມູນຄ່າທັງໝົດ 14.487,29 ຕື້ກີບ, ປະຕິບັດວຽກສຳເລັດ 325 ໂຄງການ, ມູນຄ່າລວມ 6.103,60 ຕື້ກີບ, ມູນຄ່າອະນຸມັດໄດ້ 322,22 ຕື້ກວ່າກີບ, ເທົ່າກັບ 46,16% ຂອງມູນຄ່າໂຄງການທັງໝົດ, ການລົງທຶນຂອງພາກເອກະຊົນພາຍໃນ ແລະ ຕ່າງປະເທດ (FDI) ມີການສະເໜີຂໍລົງທຶນ ແລະ ອະນຸມັດມູນຄ່າທັງໝົດ 3.370,70 ຕື້ກີບ, ເທົ່າກັບ 40,27% ຂອງແຜນການ (ແຜນການ 5 ປີ, ມູນຄ່າ 8.370 ຕື້ກີບ). ການຊ່ວຍເຫຼືອທາງການ ເພື່ອການພັດທະນາ (ODA) ໄດ້ຮັບການຈັດຕັັ້ງປະຕິບັດ 31 ໂຄງການ, ມູນຄ່າ 233,88 ຕືີ້ກີບ, ເທົ່າກັບ 27,94% ຂອງແຜນການ (ແຜນການ 837 ຕື້ກີບ). ນອກນັ້ນ, ຍັງໄດ້ຈັດຕັ້ງປະຕິບັດວຽກຮ່ວມມືກັບ ສປ ຈີນ (ໂຄງການ 4 ຕື້ຢວນ) ລວມມີ 21 ໂຄງການພັດທະນາພື້ນຖານໂຄງລ່າງເຂດຊົນນະບົດ, ການລົງທຶນຈາກສິນເຊື່ອທະນາຄານ ແລະ ກອງທຶນ ມີຍອດເງິນຝາກປະຕິບັດໄດ້ 8.700 ຕື້ກີບ, ສະເລ່ຍ 3.480 ຕື້ກີບ/ປີ, ເທົ່າກັບ 76,07% ຂອງແຜນການ (ແຜນ 11.436 ຕື້ກີບ), ປ່ອຍສິນເຊື່ອໄດ້ 1.855 ຕື້ກີບ, ສະເລ່ຍ 742 ຕື້ກີບ/ປີ, ເທົ່າກັບ 47,88% ຂອງແຜນການ (ແຜນ 5 ປີ 3.874 ຕື້ກີບ).
ສຳລັບການປ່ຽນແປງໂຄງປະກອບເສດຖະກິດ ຕາມອັດຕາການຂະຫຍາຍຕົວສະເລ່ຍ ສອງປີເຄິ່ງຜ່ານມາ ຂະແໜງກະສິກຳສະເລ່ຍເພີ່ມຂຶ້ນ 3,6%, ກວມເອົາ 36,37% ຂອງ GDP ສ້າງມູນຄ່າ 2.826 ຕື້ກີບ; ຂະແໜງອຸດສາຫະກຳສະເລ່ຍ ເພີ່ມຂຶ້ນ 5% ກວມເອົາ 34,66% ຂອງ GDP ສ້າງມູນຄ່າ 2.692 ຕື້ກີບ, ຂະແໜງບໍລິການສະເລ່ຍ ເພີ່ມຂຶ້ນ 3, 34%, ກວມເອົາ 26,69% ຂອງ GDP ສ້າງມູນຄ່າ 2.073 ຕື້ກີບ ແລະ ຂະແໜງພາສີອາກອນຜະລິດຕະພັນ ແລະ ຂາເຂົ້າສຸດທິ ເພີ່ມຂຶ້ນ 0,71%, ກວມເອົາ 2,28% ຂອງ GDP, ສ້າງມູນຄ່າເພີ່ມໄດ້ 177 ຕື້ກີບ.
