ການແຂ່ງຂັນບານສົ່ງຍິງ ເນຊັນ ລີກ 2023 ໃນລະຫວ່າງວັນທີ 18-19 ມິຖຸນາ 2023 ເປັນການແຂ່ງຂັນໃນອາທິດທີ 2 ມີການລົງສະໜາມທັງໝົດ 6 ຄູ່ ໃນນີ້ກຸ່ມ 3 ແຂ່ງຂັນທີ່ສະໜາມຮົງກົງ ໂຄລິຊຽນ ເຂດປົກຄອງພິເສດຮົງກົງ ສປ ຈີນ. ສ່ວນກຸ່ມ 4 ແຂ່ງຂັນທີ່ສະໜາມນິວສັນ ເນວສັນ ອາຣີນາ ນະຄອນຫຼວງບຣາຊີເລຍ ປະເທດເບຣຊິນ.
ຄູ່ທຳອິດ ໃນວັນທີ 18 ມິຖຸນາ 2023 ໃນເວລາ 12:30 ໂມງ ທີມຊາດບຸນກາຣີ ລົງສະໜາມພົບກັບ ທີມຊາດໂຮນລັງ ຜົນປະກົດວ່າ ເກມນີ້ ໂຮນລັງ ກັບມາສ້າງຜົນງານໄດ້ດີເອົາຊະນະໄປໄດ້ 3-0 ເຊັດ 25-24, 25-17 ແລະ 25-17 ຄະແນນ. ສ່ວນຄູ່ຕໍ່ມາ ໃນເວລາ 16:00 ໂມງ ທີມຊາດໂດມິນິກັນ ພົບກັບ ຕວກກີ ຜົນການແຂ່ງຂັນປະກົດວ່າ ໂດມິນິກັນ ເສຍໃຫ້ ຕວກກີ 1-3 ເຊັດ 23-25, 19-25, 25-23 ແລະ 20-25 ຄະແນນ. ສຳລັບຄູ່ສຸດທ້າຍຂອງກຸ່ມນີ້ ໃນເວລາ 19:30 ໂມງ ທີມຊາດອີຕາລີ ລົງສະໜາມພົບກັບ ທີມຊາດຈີນ ຜົນການແຂ່ງຂັນປະກົດວ່າ ອີຕາລີ ເອົາຊະນະ ຈີນ ໄປໄດ້ 3-2 ເຊັດ 23-25, 25-23, 18-25, 25-22 ແລະ 15-12 ຄະແນນ.
ຂະນະທີ່ກຸ່ມ 4 ຄູ່ທຳອິດໃນເວລາ 20:00 ໂມງ ທີມຊາດເບຣຊິນ ລົງສະໜາມພົບກັບ ທີມຊາດສະຫະລັດອາເມຣິກາ ທີ່ຍັງບໍ່ເສຍໃຜ ແລະ ໃນເກມນີ້ ສະຫະລັດອາເມຣິກາ ໂຊຟອມໂຫດເອົາຊະນະໄປໄດ້ 3-0 ເຊັດ 25-22, 25-19 ແລະ 25-22 ຄະແນນ. ຕໍ່ມາ ໃນເວລາ 00:00 ໂມງ ທີມຊາດໄທ ລົງສະໜາມພົບກັບ ທີມຊາດໂຄຣເອເຊຍ ຜົນການແຂ່ງຂັນປະກົດວ່າ ທີມຊາດໄທ ເສຍໃຫ້ ທີມຊາດໂຄຣເອເຊຍ 0-3 ເຊັດ 17-25, 21-25 ແລະ 20-25 ຄະແນນ. ຄູ່ສຸດທ້າຍ ທີມຊາດເຢຍລະມັນ ລົງສະໜາມພົບກັບ ທີມຊາດຍີ່ປຸ່ນ ຜົນການແຂ່ງຂັນປະກົດວ່າ ເຢຍລະມັນ ເອົາຊະນະໄປໄດ້ 3-1 ເຊັດ 25-19, 25-17, 25-27 ແລະ 25-12 ຄະແນນ.
ຮຽບຮຽງໂດຍ: ພອນເພັດ ບຸນຄ້ຳ
