ຂ່າວສານຫວຽດນາມລາຍງານວ່າ: ດັດຊະນີຮຸ້ນຂອງ ອາເມຣິກາ ຫຼຸດລົງໃນວັນທີ 14 ມິຖຸນາ, ຫຼັງຈາກທະນາຄານກາງອາເມຣິກາ (Fed) ຮັກສາອັດຕາດອກເບ້ຍຢູ່ໃນລະດັບ 5 – 5,25%, ແຕ່ການຄາດຄະເນໃໝ່ກ່ຽວກັບພື້ນຖານເສດຖະກິດສະແດງໃຫ້ເຫັນວ່າ ອັດຕາດອກເບ້ຍສາມາດເພີ່ມຂຶ້ນ 0,5% ແຕ່ນີ້ຮອດທ້າຍປີ, ເມື່ອພື້ນຖານເສດຖະກິດມີຄວາມເຂັ້ມແຂງກວ່າທີ່ຄາດຄະເນໄວ້ ແລະ ອັດຕາເງິນເຟີ້ຫຼຸດລົງໃນຈັງຫວະທີ່ຊ້າລົງ.
ໃນຮອບນີ້, ດັດຊະນີ ດາວໂຈນ (Dow Jones) ຫຼຸດລົງ 1,18% ລົງເປັນ 33.808.66 ຈຸດ, ດັດຊະນີ ເອັສແອນພີ (S&P 500) ຫຼຸດລົງ 0,68% ລົງເປັນ 4.339.39 ຈຸດ, ໃນຂະນະທີ່ດັດຊະນີ Nasdaq Composite ຫຼຸດລົງ 0,83% ລົງເປັນ 13.460.86 ຈຸດ.
ທ່ານ ແຊມ ສໂຕວອກ ຫົວໜ້າຍຸດທະສາດການລົງທຶນຂອງ CFRA Research ໃຫ້ຮູ້ວ່າ: ຕະຫຼາດໄດ້ເຫັນເຖິງການເທຂາຍ ໂດຍນັກລົງທຶນກັງວົນວ່າ Fed ຈະເພີ່ມອັດຕາດອກເບ້ຍຢ່າງໜ້ອຍສຸດ 2 ຄັ້ງ ແຕ່ນີ້ຮອດທ້າຍປີ.
