ຕາມຂ່າວຈາກກົວລາລຳເບີ, ມາເລເຊຍ ຈະຍົກເລີກຄຳສັ່ງຫ້າມສົ່ງອອກໄກ່ ຕັ້ງແຕ່ວັນທີ 1 ກໍລະກົດປີນີ້ ໂດຍສິ້ນສຸດການອຸດໜູນຜູ້ລ້ຽງໄກ່ ແລະ ຈະອະນຸຍາດໃຫ້ນຳເຂົ້າໄກ່ຈາກໄທ ແລະ ອີກຫລາຍປະເທດ. ຈາກນັ້ນ ທ່ານ ໂມຮາເໝັດ ຊາບູ, ລັດຖະມົນຕີກະຊວງຄວາມໝັ້ນຄົງດ້ານອາຫານ ແລະ ກະສິກຳຂອງມາເລເຊຍ ໄດ້ຊີ້ໃຫ້ເຫັນຄວາມສຳຄັນການຍົກເລີກຄຳສັ່ງຫ້າມສົ່ງອອກໄກ່ ເພື່ອເຮັດໃຫ້ຜູ້ລ້ຽງໄກ່ມີລາຍໄດ້ຈາກການສົ່ງອອກ ແລະ ນຳລາຍໄດ້ເຂົ້າປະເທດ. ຂະນະດຽວກັນມາດຕະການອຸດໜູນຜູ້ລ້ຽງໄກ່ຈະສິ້ນສຸດລົງ ໃນວັນທີ 30 ມີຖຸນານີ້.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
