ວິທະຍຸກະຈາຍສຽງຫວຽດນາມລາຍງານວ່າ: ໃນການເຂົ້າຮ່ວມກອງປະຊຸມສະພາລັດຖະມົນຕີອົງການຮ່ວມມື ແລະ ພັດທະນາເສດຖະກິດ (OECD) ໃນວັນທີ 6 ມິຖຸນາ ຜ່ານມາ ຢູ່ນະຄອນຫຼວງປາຣີ ປະເທດຝຣັ່ງ, ທ່ານ ບຸຍແທັງເຊີນ ລັດຖະມົນຕີການຕ່າງປະເທດ ຫວຽດນາມ ໄດ້ພົບປະກັບທ່ານ ມາເທຍສ ຄໍຣແມນ ເລຂາທິການໃຫຍ່ OECD.
ໃນການພົບປະ, ທ່ານ ບຸຍແທັງເຊີນ ສະເໜີໃຫ້ OECD ສືບຕໍ່-ຊຸກຍູ້ການຊ່ວຍເຫຼືອ, ໃຫ້ຄຳປຶກສາດ້ານນະໂຍບາຍ ຊ່ວຍໃຫ້ ຫວຽດນາມ ສ້າງໂຄງສ້າງພື້ນຖານເສດຖະກິດຄືນໃໝ່, ປ່ຽນແປງໃໝ່ຮູບແບບການເຕີບໂຕ ໂດຍອີງໃສ່ການພັດທະນາວິທະຍາສາດເຕັກໂນໂລຊີ, ຊຸກຍູ້ການປ່ຽນແປງໃໝ່ປະດິດຄິດສ້າງ ແລະ ເສດຖະກິດດີຈີຕອນ; ສົມທົບກັນ, ໃຫ້ຄຳປຶກສາແກ່ ຫວຽດນາມ ໃນບັນດາບັນຫາໃໝ່ຄື: ອັດຕາພາສີພື້ນຖານທົ່ວໂລກ, ຫຼຸດຜ່ອນການປ່ອຍອາຍພິດກາກບອນ, ປົກປັກຮັກສາສິ່ງແວດລ້ອມ.
ທ່ານ ມາເທຍສ ຄໍຣແມນ ຢືນຢັນວ່າ: OECD ພ້ອມແລ້ວທີ່ຈະສົ່ງນັກຊ່ຽວຊານມາຊ່ວຍເຫຼືອ ຫວຽດນາມ ເພື່ອຜັນຂະຫຍາຍບັນດາຂໍ້ກຳນົດທີ່ກ່ຽວຂ້ອງເຖິງອັດຕາພາສີພື້ນຖານທົ່ວໂລກ. ທ່ານກໍເນັ້ນ ໜັກວ່າ OECD ຖືສຳຄັນບົດບາດຂອງພາກພື້ນ ອາຊີຕາເວັນອອກສ່ຽງໃຕ້, ພ້ອມທັງເຫັນດີຈະສົມທົບກັບ ຫວຽດນາມ ກະກຽມກອງປະຊຸມລັດຖະມົນຕີ OECD – ອາຊີຕາເວັນອອກສ່ຽງໃຕ້ ຄັ້ງທີ 2 ໃຫ້ເປັນຢ່າງດີ, ຕາມການສະເໜີຂອງ ຫວຽດນາມ ໃນເດືອນຕຸລາຈະມາເຖິງ ຢູ່ຮ່າໂນ້ຍ.
