ຂ່າວສານຊີອາໄອລາຍງານ ເມື່ອຕົ້ນອາທິດຜ່ານມາ, ກົມການເມືອງສູນກາງພັກກອມມູນິດຈີນໄດ້ຈັດກອງປະຊຸມຮ່ຳຮຽນລວມໝູ່ຄັ້ງທີ 5 ກ່ຽວກັບການສ້າງປະເທດທີ່ເຂັ້ມແຂງດ້ານການສຶກສາ.
ທ່ານ ສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ ໄດ້ເປັນປະທານກອງປະຊຸມ ແລະ ເນັ້ນໜ້າວ່າ: ຕ້ອງຈັດຕັ້ງປະຕິບັດທິດທາງການສຶກສາຂອງພັກກອມມູນິດຈີນຢ່າງຮອບດ້ານ, ຢຶດໝັ້ນພັດທະນາການສຶກສາທີ່ຖືປະຊາຊົນເປັນໃຈກາງ, ເລັ່ງລັດຊຸກຍູ້ການຫັນເປັນທັນສະໄໝດ້ານການສຶກສາ, ເອົາຄວາມເຂັ້ມແຂງດ້ານການສຶກສາເປັນພື້ນຖານຂອງຄວາມຮັ່ງມີ ແລະ ເຂັ້ມແຂງຂອງຊາດ, ສະໜອງເສົາຄ້ຳໃຫ້ແກ່ການຟື້ນຟູຄວາມຈະເລີນຮຸ່ງເຮືອງອັນຍິ່ງໃຫຍ່ຂອງປະຊາຊາດຈີນຄືນໃໝ່ຢ່າງຮອບດ້ານ.
