ຂ່າວຕ່າງປະເທດລາຍງານ ເມື່ອວັນທີ 31 ພຶດສະພາ ຜ່ານມາ, ສາທາລະນະລັດອາຟຣິກາກາງ (CAR) ໄດ້ຜ່ານກົດໝາຍທີ່ອະນຸຍາດໃຫ້ມີການລົງທຶນຈາກຕ່າງປະເທດໃນສະກຸນເງິນດີຈີຕອນ ຫຼັງຈາກທາງການນຳເອົາບິດຄອຍ ແລະ ສະກຸນເງິນດີຈີຕອນ ຊັງໂກ (Sango) ມາໃຊ້ເປັນເງິນຊຳລະໜີ້ ຕາມກົດໝາຍເມື່ອປີຜ່ານມາ.
ກົດໝາຍດັ່ງກ່າວມີຂຶ້ນຫຼັງຈາກ ສາທາລະນະລັດອາຟຣິກາກາງ ຊຶ່ງເປັນໜຶ່ງໃນປະເທດທີ່ທຸກຍາກທີ່ສຸດໃນໂລກປະກາດໃນເດືອນເມສາ 2022 ຢ່າງກະທັນຫັນວ່າ: ສາມາດນຳບິດຄອຍມາໃຊ້ເປັນສະກຸນເງິນຕາມກົດໝາຍ ໂດຍອີກ 3 ເດືອນຕໍ່ມາ ທາງການຂອງ ສາທາລະນະລັດອາຟຣິກາກາງ ໄດ້ເປີດເຜີຍແຜນການທີ່ຈະໃຊ້ ສະກຸນເງິນດີຈີຕອນ ຊັງໂກ ເປັນສະກຸນເງິນດີຈີຕອນຂອງປະເທດ. ເຖິງຢ່າງໃດກໍ ຕາມ, ການປະກາດນີ້ເຮັດໃຫ້ເກີດຄວາມມຶນງົງໃນກຸ່ມນັກວິເຄາະ ເນື່ອງຈາກຄວາມທຸກຍາກ ແລະ ການຂາດແຄນໂຄງສ້າງພື້ນຖານພາຍໃນປະເທດ. ທັງນີ້, ກົດໝາຍໃໝ່ຂອງ ສະກຸນເງິນດີຈີຕອນ ຊັງໂກ ສຳລັບການປ່ຽນຊັບສິນໃຫ້ເປັນເຄື່ອງໝາຍຂອງຊັບພະຍາກອນທຳມະຊາດ ແລະ ທີ່ດິນ ກຳນົດຂອບການເຮັດວຽກຂອງການໃຊ້ບິດຄອຍ ແລະ ສະກຸນເງິນດີຈີຕອນ ຊັງໂກ ໃນຂະບວນການລົງທຶນລວມ ເຖິງຄົນຕ່າງປະເທດທີ່ຕ້ອງການລົງທຶນໃນຊັບສິນເໝືອງແຮ່, ການກະເສດ ແລະ ປ່າໄມ້ ອີກຢ່າງນັກລົງທຶນຍັງມີສິດໂອນກຳໄລປະຈຳປີທັງໝົດທີ່ພວກເຂົາໄດ້ຮັບສະສົມໄປຍັງຕ່າງປະເທດຫຼັງຈາກຊຳລະພາສີອາກອນ ແລະ ໜີ້ອື່ນໆແລ້ວ.
ສາທາລະນະລັດອາຟຣິກາກາງ ເປັນປະເທດທຳອິດໃນທະວີບອາຟຣິກາທີ່ຮັບເອົາບິດຄອຍມາເປັນສະກຸນເງິນປະຈໍາຊາດ ແລະ ເປັນປະເທດທີສອງຂອງໂລກຕໍ່ຈາກຊັນວາດໍ.
