ຕາມຂ່າວຈາກວິທະຍຸສາກົນຫວຽດນາມ ກະຊວງຖະແຫລງຂ່າວ ແລະ ສື່ສານຫວຽດນາມ ໄດ້ສົມທົບກັບອົງການໂທລະຄົມ ມະນາຄົມພາກພື້ນອາຊີ-ປາຊີຟິກ (APT) ຈັດກອງປະຊຸມກຸ່ມຖະແຫລງຂ່າວຄວາມຖີ່ວິທະຍຸຂອງ APT ຄັ້ງທີ 31 (AWG-31) ໃນລະຫວ່າງ ວັນທີ 22-26 ພຶດສະພານີ້ ຕາມຮູບແບບເຊິ່ງໜ້າສົມທົບກັບທາງໄກ ດ້ວຍການເຂົ້າຮ່ວມຂອງຜູ້ແທນ ຫລາຍກວ່າ 500 ຄົນ ເພື່ອປຶກສາຫາລືຫລາຍບັນຫາສຳຄັນໃນການຄຸ້ມຄອງຄວາມຖີ່ ໂດຍສະເພາະຊອກຫາຄວາມຖີ່ທີ່ມີ ຄວາມສາມາດບົ່ມຊ້ອນ 6G; ເຕັກໂນໂລຊີ 6G; ເປີດກວ້າງຄວາມຖີ່ໃຫ້ແກ່ອິນເຕີເນັດ wifi, ເຕັກໂນໂລຊີ 5G; ແບ່ງປັນມາດຕະການແກ້ໄຂກ່ຽວກັບກວດພົບ ແລະ ຕ້ານສະຖານນີສົ່ງສັນຍານປອມ; ນຳໃຊ້ຄວາມຖີ່ ລວມລະຫວ່າງບັນດາເຄືອຂ່າຍ ໂທລະສັບມືຖື.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
