ຕາມຂ່າວຈາກວິທະຍຸສາກົນຫວຽດນາມ ກອງປະຊຸມສຸດຍອດປະຈຳປີ ກຸ່ມ 7 ພື້ນຖານອຸດສະຫະກຳພັດທະນາແຖວໜ້າໂລກ (G7) ໄດ້ຈັດຂຶ້ນໃນວັນທີ 19 ພຶດສະພານີ້ຢູ່ນະຄອນຮິໂຣຊິມາຂອງຍີ່ປຸ່ນ ເພື່ອປຶກສາຫາລືແກ້ໄຂບັນດາບັນຫາທີ່ເຄັ່ງຮ້ອນໃນພາກພື້ນ ແລະ ທົ່ວໂລກ ເປັນຕົ້ນ: ດ້ານເຕັກໂນໂລຊີປັນຍາປະດິດ, ເງິນເອເລັກໂຕຣນິກ, ຕີລາຄາຄືນລະບົບ ສະໜອງ ແລະ ຊຸກຍູ້ພະລັງງານສະອາດ, ລວມທັງນະໂຍບາຍບໍ່ນຳໃຊ້ອາວຸດນິວເຄລຍ, ການປະທະກັນລະຫວ່າງຣັດເຊຍ ແລະ ອູແກຣນ ກໍ່ແມ່ນໜຶ່ງໃນບັນດາເນື້ອໃນປຶກສາຫາລືທີ່ສຳຄັນໃນກອງປະຊຸມຄັ້ງນີ້ ຊຶ່ງຈະເປັນການພິສູດໃຫ້ເຫັນຄວາມສຳຄັນຂອງການຮ່ວມມືຫລາຍຝ່າຍໃນການແກ້ໄຂບັນດາສິ່ງທ້າທາຍທີ່ເກີດຂຶ້ນໃນປັດຈຸບັນ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
