ບົດລາຍງານຂອງອົງການອະນາໄມໂລກ (WHO) ເປີດເຜີຍວ່າ: ສານທີ່ໃຫ້ຄວາມຫວານແທນນ້ຳຕານແມ່ນບໍ່ມີຄຸນຄ່າທາງອາຫານ (non-sugar sweeteners–NSS) ແລະ ບໍ່ສາມາດໃຊ້ເພື່ອການຫລຸດນ້ຳໜັກໄດ້ຍ້ອນບໍ່ໄດ້ເກີດຜົນປະໂຫຍດ ໄລຍະຍາວຕໍ່ຮ່າງກາຍດ້ານການຄວບຄຸມ ຫລື ຫລຸດນ້ຳໜັກບໍ່ວ່າຜູ້ໃຫຍ່ ຫລື ເດັກນ້ອຍກໍ່ຕາມ ແຕ່ຖ້າບໍລິໂພກສານໃຫ້ຄວາມຫວານແທນນ້ຳຕານຕໍ່ເນື່ອງເປັນໄລຍະຍາວອາດກໍ່ໃຫ້ເກີດຜົນກະທົບຕໍ່ຮ່າງກາຍໃນໄລຍະຍາວບໍ່ວ່າຈະເປັນການເພີ່ມຄວາມສ່ຽງຂອງພະຍາດເບົາຫວານຊະນິດ ທີ່2, ພະຍາດ ຫົວໃຈ ແລະ ຫລອດເລືອດອາດທັງເຮັດໃຫ້ອັດຕາການເສຍຊີວິດໃນກຸ່ມຄົນຜູ້ໃຫຍ່ເພີ່ມຂຶ້ນ. ດັ່ງນັ້ນ ອັງການດັ່ງກ່າວຈຶ່ງແນະນຳການປ່ຽນພຶດຕິກຳການບໍລິໂພກ ແລະ ການເລືອກຮັບປະທານອາຫານ ເຊັ່ນ: ການຮັບປະທານອາຫານຫວານຈາກໝາກໄມ້ທຳມະຊາດໃນປະລິມານທີ່ເໝາະສົມ ແລະ ຫລີກລ້ຽງການບໍລິໂພກອາຫານ ຫລື ເຄື່ອງດື່ມທີ່ມີສານປຸງແຕ່ງອື່ນໆ ທຸກປະເພດ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
