ຕາມຂ່າວຈາກວິທະຍຸສາກົນຫວຽດນາມ ກອງປະຊຸມ ຄັ້ງທີ 216 ສະພາ ບໍລິຫານງານຂອງອົງການສຶກສາ-ວິທະຍາສາດ ແລະ ວັດທະນະທຳ ຂອງສະຫະປະຊາຊາດ (ສປຊ) ຫລື ຢູເນສໂກ (UNESCO) ຈັດຂຶ້ນ ເມື່ອບໍ່ດົນຢູ່ນະຄອນຫລວງປາຣີ ຂອງຝຣັ່ງ. ໃນໂອກາດນີ້ ທ່ານ ຮ່າກິມ ງັອກ ຮອງລັດຖະມົນຕີການຕ່າງປະເທດ ສສ ຫວຽດນາມ, ປະທານຄະນະ ກຳມະການແຫ່ງຊາດ UNESCO ສສ ຫວຽດນາມ ໄດ້ຕີລາຄາສູງຄວາມມານະພະຍາຍາມຂອງຄະນະເລຂາ ແລະ ຜູ້ອຳ ນວຍການໃຫຍ່ UNESCO ໃນການປຸກລະດົມແຫລ່ງກຳລັງ, ສຳຜັດຫລາຍສົ້ນ, ຜັນຂະຫຍາຍໂຄງການເຄື່ອນໄຫວຢ່າງມີປະສິດທິຜົນ, ໜູນຊ່ວຍບາງປະເທດສະມາຊິກທີ່ປະສົບກັບວິກິດການຫລັງພະຍາດລະບາດໂຄວິດ-19 ຢ່າງທັນການ. ຂະນະທີ່ ສສ ຫວຽດນາມ ຊຸກຍູ້ການຮ່ວມມືຫລາຍຝ່າຍ ແລະ ຄວາມສະໜິດຕິດພັນກັບບັນດາຂົງເຂດຮ່ວມມືວິຊາສະເພາະ ຂອງ UNESCO. ສສ ຫວຽດນາມ ໄດ້ສະເຫລີມສະຫລອງ 50 ປີແຫ່ງ ສົນທິສັນຍາມໍລະດົກ ໂລກ, ສະເຫລີມສະຫລອງ 20 ປີ ແຫ່ງວັນສົນທິສັນຍາວ່າດ້ວຍການປົກປ້ອງມໍລະດົກວັດທະນະທຳບໍ່ເປັນວັດຖຸ ແລະ ຈະຈັດກອງປະຊຸມສາກົນ ກ່ຽວກັບ ການເສີມຂະຫຍາຍບົດບາດນາມມະຍົດ UNESCO ຮັບໃຊ້ການພັດທະນາແບບຍືນຍົງຢູ່ ສສ ຫວຽດນາມ ໃນເດືອນ ກໍລະກົດປີນີ້ ໂດຍມີເປົ້າໝາຍຫັນບັນດານາມມະຍົດ UNESCO ກາຍເປັນກຳລັງໜູນໃຫ້ແກ່ການພັດທະນາແບບຍືນຍົງ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
