ນໍ້າຕົກຕາດປຸ່ງ ຕັ້ງຢູ່ບໍລິເວນເຂດບ້ານນໍ້າຄຸຍ ຫ່າງຈາກເທດສະບານເມືອງລ້ອງຊານ ປະມານ 8 ກິໂລແມັດ, ນ້ຳຕົກຕາດປຸ່ງ ສູງປະມານ 18 ແມັດ ປະກອບດ້ວຍຕາດ 2 ຖ້ານ ຖ້ານເທິງສູງປະມານ 10 ແມັດ ແລະ ຖ້ານລຸ່ມສູງ 8 ແມັດ ອ້ອມຮອບໄປດ້ວຍພູຜາປ່າໄມ້ຂຽວງາມຕະຫຼອດປີເປີດໃຫ້ນັກທ່ອງທ່ຽວເຂົ້າທ່ຽວຊົມທຸກໆມື້ ໂດຍສະເພາະໃນຕອນກາງເວັນເທົ່ານັ້ນ ຊຶ່ງຜູ້ຄົນທີ່ມາຮອດເມືອງລ້ອງຊານຈະບໍ່ ພາດທີ່ຈະແວ່ທຽວຊົມຄວາມງົດງາມຂອງຕາດປຸ່ງ, ພາຍຫຼັງປົດປ່ອຍຊາດ ໃນໄລຍະກາງຊຸມປີ 1970 ຊາວບ້ານໄດ້ຍົກຍ້າຍມາຕັ້ງຖິ່ນຖານຢູ່ເຂດນີ້ ແລະ ໄດ້ຄົ້ນພົບບໍ່ນໍ້າໜຶ່ງ ທີ່ໄຫຼລົງໃສ່ແມ່ນໍ້າຄຸຍ ຊຶ່ງເປັນ ບ່ອນເຕົ້າໂຮມຂອງສັດປ່າຈໍາພວກຊ້າງ, ກະທິງ, ກວາງ, ຟານ, ໝູປ່າ, ໝີ, ເໝືອຍ….ລົງມາກິນນໍ້າໃນບໍ່ນໍ້າດັ່ງກ່າວ, ຈຶ່ງຮຽກຕາດນີ້ວ່າ “ຕາດປຸ່ງ”. ເວລາເປິດ: ທຸກມື້, 8:00-16:30 ໂມງ.
ຂໍ້ມູນຈາກ: ກົມໂຄສະນາການທ່ອງທ່ຽວກະຊວງ ຖວທ
