ສຳນັກຂ່າວ ກຽວໂດ ຂອງຍີ່ປຸ່ນ,ວັນທີ11 ພືດສະພານີ້, ລັດຖະມົນຕີ ການເງິນ ແລະ ຜູ້ວ່າການທະນາ ຄານກາງ ຂອງ 7ປະເທດ ອຸດສາຫະກຳ ແຖວໜ້າ(G7) ໄດ້ຈັດ ກອງປະຊຸມ ປືກສາ ຫາລື ແກ້ໄຂ ບັນຫາ ຂະແໜງ ການເງິນ ທີ່ເພີ່ມ ຄວາມບໍ່ແນ່ນອນ ຂອງເສດຖະກິດໂລກ ທີ່ໄດ້ຮັບ ຜົນກະທົບແລ້ວ ຈາກສົງຄາມຢູ່ ອູແກຣນ ແລະ ເປັນການ ກະກຽມ ໃຫ້ແກ່ ກອງປະຊຸມ ສຸດຍອດ ຈີ7 ທີ່ເມືອງ ຮິໂຣຊິມາ ໃນລະຫວ່າງ ວັນທີ 19-21 ພືດສະພານີ້.ຈາກນັ້ນ ທ່ານ ຊູນິຈິ ຊຸຊຸກິ,ລັດຖະມົນຕີ ການເງິນຍີ່ປຸ່ນ ໄດ້ຍົກໃຫ້ເຫັນເຖິງ ພາກການເງິນ ພວມຜະເຊີນກັບ ສະພາບ ແວດລ້ອມ ທີ່ມີການປ່ຽນແປງ ຫລາຍຢ່າງ ຖືເປັນ ຄວາມທ້າທາຍ ຕໍ່ກຸ່ມຈີ 7ແລະ ນອກກຸ່ມ. ດັ່ງ ນັ້ນ ຈຶ່ງຕ້ອງຫາທາງ ສ້າງຄວາມ ເຂັ້ມແຂງ ໃຫ້ພາກການເງິນ ຜ່ານການເຈລະຈາ ຈີ7.ຂະນະທີ່ ການເຮັດທຸລະກໍາ ອອນລາຍ ທີ່ກວ້າງຂວາງ ແລະ ການມີ ຮູບແບບ ສື່ສັງຄົມອອນລາຍ ຫລາຍຂຶ້ນ ສ້າງຄວາມສະດວກ ໃນ ການເຜີຍແຜ່ ຂໍ້ມູນ ໃນທັນທີ ເຮັດໃຫ້ ໜ່ວຍງານ ຄຸ້ມຄອງ ການເງິນ ຕ້ອງພິຈາລະນາຄືນ ມາດຕະການ ທີ່ມີຢູ່ແລ້ວ ເພື່ອຮັບມືກັບ ການປ່ຽນ ແປງໃໝ່.ນອກນີ້ ຍັງໄດ້ປຶກສາ ບັນຫາອື່ນໆ ທີ່ສຳຄັນ ໃນພາກພື້ນ. ນອກ ຈາກນີ້ ຍັງໄດ້ເຊື້ອເຊີນ ບັນດາ ປະເທດ ນອກກຸ່ມຈີ7 ເຊັ່ນ: ບຣາຊິນ, ອິນເດຍ, ອິນໂດເນເຊຍ, ສ.ເກົາຫລີ, ສິງກະໂປ ແລະ ໂກມໍຣົດ ປະເທດ ໃນມະ ຫາສະໝຸດ ອິນເດຍ ທີ່ເປັນ ປະທານ ຂອງສະຫະພາບ ອາຟຣິກາ ໃນປະຈຸບັນ ມາເຂົ້າຮ່ວມ ເພື່ອປຶກສາ ຫາລື ກ່ຽວກັບ ສິ່ງທ້າທາຍ ທົ່ວໂລກ ເຊັ່ນ: ວິກິດການ ໜີ້ສິນ ຂອງບັນດາ ປະເທດ ທີ່ມີລາຍໄດ້ຕໍ່າ ແລະ ປານກາງ./.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
