ສະມາຄົມຫັດຖະກຳລາວຮ່ວມກັບໂຄງການຜະລິດ ແລະ ເກັບກູ້ຫວາຍ-ໄມ້ປ່ອງ (WWF-Laos) ຈັດງານຕະຫຼາດຫັດຖະກຳໃນສວນ ພາຍໃຕ້ຄໍາຂວັນ “ສະເໜ່ ຫວາຍ-ໄມ້ປ່ອງ” ເພື່ອ ຟື້ນຟູຄວາມນິຍົມຊົມຊອບໃຫ້ແກ່ສັງຄົມ ໃນການນໍາໃຊ້ຜະລິດຕະພັນຫັດຖະກຳຂອງລາວ.
ທ່ານນາງ ສຸວິຕາ ປະເສີດ ປະທານສະມາຄົມຫັດຖະກໍາລາວ ກ່າວໃຫ້ຮູ້ວ່າ: ການຈັດງານຄັ້ງນີ້ມີຈຸດປະສົງເພື່ອ ຟື້ນຟູຄວາມນິຍົມ ຊົມຊອບໃຫ້ແກ່ ສັງຄົມໃນການນໍາໃຊ້ຜະລິດຕະພັນຫັດຖະກຳຂອງລາວ ແລະ ສົ່ງເສີມພູມ ປັນ ຍາທາງດ້ານຫັດຖະກຳຫວາຍ ແລະ ໄມ້ປ່ອງ ໃຫ້ຍືນຍົງຢູ່ກັບສັງຄົມ ລາວ ສ້າງທ່າແຮງໃຫ້ແກ່ການຜະລິດສິນຄ້າພ້ອມ ທັງທ່າແຮງການເຂົ້າສູ່ ຕະຫຼາດໃນຂະແໜງຫວາຍ ແລະ ໄມ້ປ່ອງພັດທະ ນາເຄື່ອງຫັດຖະກຳ ລາວໃຫ້ກາຍ ເປັນສິນຄ້າທີ່ມີຄຸນນະພາບສາມາດຈຳໜ່າຍ-ສ້າງລາຍຮັບໃຫ້ແກ່ຊາວຊ່າງຫັດຖະກຳຍົກສູງຄຸນຄ່າຜະລິດຕະພັນຫວາຍ-ໄມ້ປ່ອງ ໃຫ້ເປັນທີ່ຮູ້ຈັກໃນສັງຄົມໃຫ້ກວ້າງຂວາງຂື້ນ ນອກນີ້ການຈັດງານດັ່ງກ່າວຍັງເປັນໜຶ່ງໃນກິດຈະກໍາສົ່ງເສີມ 7 ຂະ ແໜງການຂອງສະມາຄົມ ຫັດຖະກໍາລາວ ແລະ ເປັນງານພົບປະລະ ຫວ່າງຊາວຊ່າງຫັດຖະກໍາ ແລະ ບັນດາແຂກທີ່ໃຫ້ຄວາມສົນໃຈໃນ ວຽກງານຫັດຖະກໍາຫວາຍ-ໄມ້ປ່ອງ.
ງານດັ່ງກ່າວຈັດຂຶ້ນທີ່ບ້ານພັກລານີ ບ້ານຫາຍໂສກ ເມືອງຈັນທະບູ ລີ ນະຄອນຫຼວງວຽງຈັນ ວັນທີ 3-7 ພຶດສະພາ 2023 ເຊິ່ງມີພິທີເປີດເປັນ ທາງການຂຶ້ນວັນທີ 5 ພຶດສະພາ 2023 ໂດຍມີ ທ່ານ ນາງ ນາລີ ສີສຸລິດ ພັນລະຍາປະທນປະເທດ ແລະ ທ່ານ ລໍຮິສ ປາເລັນຕີນີ ຫົວໜ້າອົງການ WWF-Laos ພ້ອມດ້ວຍຄະນະຮັບຜິດຊອບຈັດງານ ຊາວຊ່າງຫັດຖະກໍາ ແລະ ແຂກຖືກເຊີນເຂົ້າຮ່ວມ.
