ສຳນັກຂ່າວ ຊິນຮວາ ຂອງ ສປ ຈີນ,ວັນທີ 25ເມສານີ້, ສະຖາບັນ ເສດຖະກິດ ພະລັງງານ ແລະ ການວິເຄາະ ການເງິນ (IEEFA) ລາຍງານວ່າ: ກຳລັງການຜະລິດສະສົມຂອງພະລັງງານ ແສງຕາເວັນ (PV) ແບບຕິດຕັ້ງ ແລະ ແບບນໍາໃຊ້ ໃນທົ່ວໂລກ ໃນປີ 2022 ເພີ່ມຂຶ້ນ ຫລາຍກວ່າ 25% ສົ່ງຜົນໃຫ້ມີການຕິດຕັ້ງ ແລະ ໃຊ້ພະລັງງານແສງຕາເວັນທົ່ວໂລກ 240 ກິກາວັດ ໃນນີ້ ສປ ຈີນ ຍັງເປັນປະເທດ ຕິດຕັ້ງ ແລະ ຜະລິດແຝງພະລັງງານແສງຕາເວັນ ຫລາຍທີ່ສຸດໃນໂລກ ກວມເອົາ 106 ກິກາວັດ ຫລື ປະມານ 44% ຂອງກຳລັງການຜະລິດທີ່ເພີ່ມຂຶ້ນທົ່ວໂລກ.
ຂະນະທີ່ ສະຫະພາບ ເອີຣົບ(ອີຢູ) ມີກຳລັງການຜະລິດ ຕິດຕັ້ງ ແຝງພະລັງງານ ແສງຕາເວັນໃໝ່ 38,7 ກິກາວັດ ໃນປີ2022 ເພີ່ມຂື້ນຈາກ 27 ກິກາວັດ ໃນປີ2021 ແລະ 20ກິກາວັດ ໃນປີ2020 ແລະ ອີຢູ ຍັງເປັນຕະຫລາດ ຂະໜາດໃຫຍ່ ອັນດັບ 2 ໃນດ້ານກຳລັງ ການຜະລິດ ສະສົມ 209,3 ກິກາວັດ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
