ສຳນັກຂ່າວ ຊິນຮວາຂອງ ສປຈີນ ວັນທີ 13 ເດືອນມີນາ, ທ່ານ ຈາວາດ ອາວຈີ ລັດຖະມົນຕີກະຊວງນໍ້າມັນ ຂອງອີຣານ ລາຍງານວ່າ: ເມື່ອຕົ້ນປີຜ່ານມາ, ປະລິມານການສົ່ງອອກນໍ້າມັນດີບ ຂອງປະເທດນີ້ໄດ້ເພີ່ມຂຶ້ນເຖິງ 83 ລ້ານຖັງ ເມື່ອທຽບໃສ່ໄລຍະຕົ້ນດຽວກັນໃນປີກາຍນີ້. ໃນຂະນະດຽວກັນການສົ່ງອອກແກັສທຳມະຊາດ ເພີ່ມຂຶ້ນ 15% ເມື່ອທຽບໃສ່ປີຕໍ່ປີ. ອີຣານ ມີລາຍໄດ້ຈາກການສົ່ງອອກແກັສປິໂຕຣລຽມປະເພດແຫລວ ລວມມີ 6,5 ຕື້ໂດລາສະຫະລັດ ນັບຕັ້ງແຕ່ເດືອນມີນາ ປີ 2022 ຜ່ານມາ.
