ຕາມຂ່າວຈາກຣອຍເຕີ ວັນທີ 3 ມີນານີ້ ກະຊວງກະສິກຳຂອງບຣາຊິນ ໄດ້ອອກຖະແຫລງວ່າ: ໄທ, ອີຣານ ແລະ ຊອກດານີ ແມ່ນ 3 ປະເທດ ຫລ້າສຸດໂຈະການນຳເຂົ້າຊີ້ນງົວຈາກບຣາຊິນ ເນື່ອງຈາກຄວາມກັງວົນ ກ່ຽວກັບສະຖານະການກວດພົບ ພະຍາດສະໝອງອັກເສບ (BSE) ໃນງົວ ຊຶ່ງເອີ້ນກັນວ່າພະຍາດງົວບ້າ. ຂະນະທີ່ກະຊວງກະສິກຳຂອງລັດເຊຍ ໃຊ້ມາດຕະການປິດລ້ອມການນຳເຂົ້າຊີ້ນງົວຈາກລັດປາຣາ ທາງພາກເໜືອ ຂອງບຣາຊິນ. ຂະນະດຽວກັນບຣາຊິນ ໄດ້ຢຸດການສົ່ງອອກ ຊີ້ນງົວໄປ ສປ ຈີນ ແຕ່ທ້າຍເດືອນກຸມພາ ຜ່ານມາຊຶ່ງເປັນໄປຕາມຂໍ້ຕົກລົງລະດັບທະວິພາຄີ ລະຫວ່າງສອງປະເທດ. ການເຄື່ອນໄຫວຂອງທຸກປະເທດດັ່ງກ່າວເກີດຂຶ້ນ ຫລັງຈາກກະຊວງກະສິກຳ ຂອງບຣາຊິນ ປະກາດກວດພົບພະຍາດງົວບ້າ (BSE) ໃນວັນທີ 20 ກຸມພາ ຜ່ານມາກວດພົບເຊື້ອພະຍາດນີ້ໃນງົວໂຕຜູ້ ອາຍຸ 9 ປີ ໂຕທຳອິດໃນລັດປາຣາ ເຮັດໃຫ້ເຈົ້າໜ້າທີ່ກ່ຽວຂ້ອງຈຳເປັນຕ້ອງກຳຈັດງົວໂຕນັ້ນຕາມລະບຽບການຄວບຄຸມພະຍາດຢ່າງເຂັ້ມງວດ.
(ບັນນາທິການຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
