ສຳນັກຂ່າວ ຊິນຮວາຂອງ ສປຈີນ, ເມື່ອບໍ່ດົນມານີ້, ກະຊວງ ອຸດສາຫະກຳ ແລະ ເຕັກໂນໂລຊີ ສື່ສານ ຂອງຈີນ ໄດ້ອອກມາດຕະການ ກຳກັບ ຄວບຄຸມ ການໃຊ້ງານ ແອັບພີເຄຊັນ ຢູ່ອິນເຕີເນັດ ຈຳນວນ 26 ລາຍການ ເພື່ອປັບປຸງ ປະສິດທິພາບ ແລະ ຄວາມເໝາະສົມ ຂອງການບໍລິການ ແອັບພີເຄຊັນ ດັ່ງກ່າວ. ໂດຍມາດຕະການ ເບື້ອງຕົ້ນ ຈະຄວບຄຸມ ການກຳນົດ ມາດຕະ ຖານ ການຕິດຕັ້ງ ແລະ ການຖອນ ການຕິດຕັ້ງ ແອບພີເຄຊັນ , ການປັບປຸງ ປະສົບການ , ການບໍລິການ ແລະ ການເສີມສ້າງ ການຄຸ້ມຄອງ ຂໍ້ມູນ ສ່ວນບຸກຄົນ ເພື່ອຊ່ວຍ ພັດທະນາ ສັກກາຍະພາບ ບໍລິການ ຂອງ ຕົ້ນທາງ ແລະ ປາຍທາງ ລວມເຖິງ ການແກ້ໄຂບັນຫາ ທີ່ສົ່ງຜົນກະທົບ ຕໍ່ຄວາມເຂົ້າໃຈ ຂອງຜູ້ໃຊ້ງານ.
